宮崎的位置都好闊落啊～～坐都坐得舒服啲～～
係呢度，有好多款式點。單是落單紙就已經有好多款。
單看這一碟牛，都有成六款之多！呢度的牛牛，味道濃郁，而且好有咬口。絕對是牛魔王之愛啊！
而且，仲有好多款調味品俾大家選擇，細心程度爆燈了！
靚的牛，簡單一燒，就已經好好味。無需要特別調味太多。燒一燒，十分香呢～～
無論是黑椒牛舌、牛柳粒、以及薄牛片都好好味！
當然要不斷再安哥了！
另外，二人同行仲有得免費揀一款日本岩手牛牛。個名仲好得意，叫做「憤怒火牛仔」！上面配有微辣醬汁，又幾得意！
除了牛牛，仲有好正的海鮮！
看吧！十分大隻的鮮蝦。就咁燒一燒，鮮味出晒黎！
除此之外，仲有多春魚、秋刀魚以及青口添呢～～
青口都好大隻呢～～
更令人驚喜的，還有這個好大隻的帶子了呢～～隻隻都好肥美！
嘻，想不到，就連琵琶蝦都有呢～～大大啖肉，很爽口呢～～
其他燒物仲有台灣腸、雞肉、豬腩仔等等～～
還有我最喜歡的燒菠蘿添呢～～
唔記得一提，仲有多款刺身，款款新鮮，都唔可以錯過架～～
Staice
** 博客文章文責自負,不代表本公司立場 **
燒肉放題，有韓式也有日式，兩款都各有特式。但係，對於喜歡食海鮮的我，當然係想要食多一點海鮮啦～～
之前同老公去過銅鑼灣尚鮮食日式燒肉放題。呢日去行街，攰攰地，當然要食重炮嘢啦。
喜歡這裡的電子式下單，十分快及方便。
而且通風系統改良咗，所以無之前咁多煙，唔怕食到成身煙味啦～～ 呢度既調味都有好多，最推介的是玫瑰海鹽啊。
而且，仲有USB插頭俾你叉電，好貼心～
而家餐牌有啲改咗，晚巿放題每位送「尚鮮浜燒」海鮮拼盤一份。最好係雙數黎食，咁就更加抵。
「尚燒浜燒」海鮮拼盤有新鮮大隻的帆立貝、生蠔、大蜆、海蝦、鮑魚、大蟹蓋以及原隻大龍蝦。
看吧，大隻的帆立目，肥美新鮮。仲有鮑魚，都係好大隻，我哋個隻仲識郁架。
大蟹蓋超正。入面有著滿滿的蟹膏，加上蟹子、蛋及蟹肉。燒的時候要溝勻佢。
香氣四溢及濃郁的蟹膏，食起黎十分令人回味。油香滑溜，齒夾留香。
燒鮑魚，夠晒飽滿，好有咬口。
燒到悶悶地，仲可以食刺身啊～～
其他燒海鮮，仲可以再Order海蝦以及生蠔。
如果想要食得特別啲，可以食清酒煮蜆。
仲有辣酒煮蜆，各有風味。都係好入味呢～～
原隻炸軟瞉蟹都可以一試。即叫即炸，而且，仲係熱的呢～～
額外加錢項目，必食這個象拔蚌。百多元一隻，會俾你睇完，揀好先拎去廚房處理。新鮮即揀，而且仲識郁啊。
肉的部份，會作為刺身。腸個啲位置，會作酒煮食用。
刺身晶瑩剔透，而且十分清甜爽口。愛上了這個象拔蚌的新鮮口感。
酒煮的這部份，可以剔去氣味，而且新鮮及保留到鮮味。
超巨型燒大蝦，甘香，而且惹味鮮甜。
肉類方面，是很正的牛肉，雪花均勻，入口即溶。
還有我最喜歡的燒菠蘿以及日本蕃薯仔，百食不厭呢～～
