泳兒（Vincy）的媽媽早前因病入院，她需要照顧家庭及應付繁重的工作量，心力交瘁的她背負起不少無形壓力。
泳兒需要照顧家庭及應付繁重的工作量
心力交瘁的泳兒背負起不少無形壓力
年半前，Vincy的媽媽突然腦出血入住醫院深切治療部，近日情況終好轉，但失去活動、說話及進食能力，需要漫長的復康治療，現正於療養院休養。Vincy擔起頭家之餘又需應付繁重的工作量，可謂心力交瘁，無形的壓力令她瘦足一個碼，連上圍都大縮水。她表示：「我冇磅過，不過同事都怕我有厭食症，可能壓力搞到我食極都唔吸收，但我健康狀況係冇問題嘅。」
點擊看圖輯
泳兒需要照顧家庭及應付繁重的工作量
心力交瘁的泳兒背負起不少無形壓力
泳兒的媽媽突然腦出血入住醫院深切治療部（網上圖片）
髮型師男友Ziv陪住泳兒走過低谷（資料圖片）
黎瑞恩叮囑泳兒要加油同好好保重身體
泳兒的主打歌《一隻小豬》已派台，其MV在台灣拍攝。
泳兒的媽媽突然腦出血入住醫院深切治療部（網上圖片）
Vincy於6月底推出新碟《Short Stories》，她承認出碟期間很忙，更沒時間去探望媽媽，唯有由爸爸代勞拍片給媽媽看。辛苦工作都是為了家庭，她表示：「都會冇乜胃口，瞓得唔好同心浮氣躁，但咁大個人要學會控制情緒，唔可以亂向身邊人發脾氣，頂唔順到一個點唯有打畀圈外朋友傾吓，或者去做運動發洩，男友係一個最佳聆聽者，可能佢未必幫到我，但默默支持經已好夠，哈！佢都會喺生活細節上氹我，如出外工作一定會買份手信畀我，知我忙幫我帶寵物去睇醫生，好感激喺呢段路上有佢陪住我！」
髮型師男友Ziv陪住泳兒走過低谷（資料圖片）
Vincy的主打歌《一隻小豬》已派台，而第2首派台新歌《搖籃曲》是與黎瑞恩合唱，兩人分別代入母女角色，以對話模式演繹歌曲，從而鼓勵兩代人多溝通。因為經歷令Vincy太有feel，她更自薦做埋MV導演，處女執導一條剖白對媽媽心聲的好片。Vincy大讚小恩子係一個好關心及體貼人嘅前輩，「合作前我唔識佢，有次我喺facebook貼文發洩情緒，留言話壓力大到想撞頭埋牆，點知第二日收到一個陌生來電，電話中嘅小恩子擔心我有事諗唔通，因為呢個機緣撮成合唱好事，我哋o依家都有保持聯絡，真心感激佢嘅支持。」
黎瑞恩叮囑泳兒要加油同好好保重身體
泳兒的主打歌《一隻小豬》已派台，其MV在台灣拍攝。
