百足咁多爪嘅鬼才林海峰（Jan）一屋女人，賢妻彭羚照顧家庭攞滿分，他就主力搵錢。阿Jan日前帶兩位分別17和13歲嘅「前世情人」行中環，一臉慈父滿足樣。大女林泳亭亭玉立長髮及肩，孻女林清就比較黐daddy。
美魔男林海峰陪兩位「前世情人」出巡，慈父冧樣上晒面。
日前周末下午，超級美魔男林海峰激罕獨自帶兩女兒現身中環。由於正值下雨，他和孻女都醒目穿上防水褸，包上頭巾嘅林清長褲波鞋跟實父親。而同媽咪餅印一樣嘅大女林泳，就穿上連身短裙加黑色小手袋，加上一頭微曲長髮，散發清純少女味。
點擊看圖輯
更多相片
美魔男林海峰陪兩位「前世情人」出巡，慈父冧樣上晒面。
在店內，林海峰繑手拎外套，任由兩女自由揀衫。
林海峰攬實同穿上防水褸嘅孻女林清，冒雨行入商場。
記者上前採訪，女兒擰轉背好怕羞，林海峰就碌大雙眼同孻女玩減壓。
彭羚婚後做全職主婦，鮮有孖丈夫公開露面。
在店內，林海峰繑手拎外套，任由兩女自由揀衫。
三父女先在皇后大道中嘅美國優閒服店GAP睇衫，見daddy手拎外套跟實兩位公主，任由愛女揀衫。行逛十分鐘，阿女睇唔啱，三人就轉場。由於三個人一把傘，阿Jan就攬實同穿上防水褸嘅孻女冒雨跑過對面街，大女就獨自拎縮骨遮，然後經商場行去ifc食tea。
林海峰攬實同穿上防水褸嘅孻女林清，冒雨行入商場。
記者上前採訪，女兒擰轉背好怕羞，林海峰就碌大雙眼同孻女玩減壓。
三父女high tea後，孻女似足父親咁有藝術天份，食嘢時用餐紙空白位畫畫，畫咗個長髮女。林清仲珍而重之拎埋走，唔知係咪想留畀媽咪睇？！
彭羚婚後做全職主婦，鮮有孖丈夫公開露面。
