(多圖)一文睇晒遼寧艦有乜嘢睇 殲15戰機最吸晴

Ariel親身上遼寧艦，同大家直擊報道航母有甚麼好嘢睇。

1. 上艦幾經曲折。遼寧艦泊在交椅洲對開海面，由中環10號碼頭坐船出發，航程都要差不多45分鐘。但真正挑戰才開始，遼寧號旁泊了一隻躉船作接駁浮台，風浪大時，小輪起伏很大，就要暫停登上浮台。參觀者登上浮台有一定難度，所以要再花半小時登艦。

2. 艦腹是停機艙。登上遼寧艦的位置是艦腹的停機艙，現在已清空，只有一架直-18J型預警直升機停泊在那裏作展示。平常時大量殲-15艦載戰鬥機應該就停泊坐這裏。

3. 坐戰機升降台上甲板。在士官引領下，參觀者穿過艦腹，走出一個平台上，冷不防平台突然升起，有些參觀者事前不為意，驚叫起來。原來正常時戰鬥機駛到這裏，坐升降平台升上甲板。

4. 走甲板上如登海島。遼寧艦遠看比想像中小，但走上甲板一看，卻覺得很大。艦身全長304.5米，全寬70.5米，300米等如3個100米田徑場跑道，想像一下等如三個運動場的長度，非常之長。最特別是在甲板上非常穩定，如履平地。

5. 巨大的艦島。抬頭就看見遼寧艦70米長的艦島，艦島頂部是艦上大型電子設備的集中地，又是航母甲板調度的指揮室。

6. 令人振奮的殲-15。航空母艦的主要攻擊力在於它搭載的戰鬥機，遼寧艦有24架先進的殲-15戰鬥機，當然是上遼寧號觀賞的焦點。大家睇得興奮，爭相影相。

可以近觀殲-15是上艦觀賞的最大得著

展示的殲-15並沒有攜帶導彈等武器

市民爭取和殲-15合影

7. 上仰的起飛滑行區。遼寧艦是採用傳統的滑躍起飛，指航母前部甲板呈翹起狀，艦載機滑行加速後完成起飛。遼寧艦的滑躍跑道上斜13度，也是必看之處。

8. 降落的攔阻區。戰機在航武後段降落，要快速煞停。航母備有4道攔阻索，戰機降落時有垂鈎勾住攔阻索煞停。

9. 直-9C型搜救直升機。遼寧艦配備兩架直-9C型搜救直升機。

10. 近防炮和火箭炮。這是遼寧艦自衛的武器。

遼寧艦上實在太多嘢睇，Ariel係第2組參觀團，結果睇到唔捨得走，要延後到第5組才走，實在不枉此行。

Ariel

** 博客文章文責自負,不代表本公司立場 **

特首林鄭月娥上任後作風開放，經常同傳媒吹風，有老總講起去林鄭吹風會，以為有飯食，去到發現食三文治，份三文治仲係多沙律醬個隻，本來已經食得狼狽，加上林鄭又好健談，顧得做筆記都顧不得食，結果一個吹風會，記咗22版紙，咬咗一啖三文治。

到林鄭同記者採主吹風，待遇有改善，呢次食咖喱餐，真係有飯食，不過林鄭亦都係談興好高，記者同樣寫到手軟。

講起吹風內容，有傳媒朋友提起，林鄭當時表示，新任新聞統籌專員仲未請到，佢仲笑笑口問現場記者「有無好人材推薦？」

林鄭又提到人選的條件，話新聞統籌專員應該保持低調，協助特首同特首辦主任統籌工作，同公眾要保持良好關係，仲話新聞專員唔應該玩facebook，又唔好同人隔空對罵。

聽落所有唔應該做的事，都同前任專員馮煒光做的相類似，大家覺得意有所指囉。

林鄭要求高，市場人材少，新聞統籌專員難求，現時就搵特首辦主任KK Chan(陳國基)頂住檔先。政壇八卦友話，林鄭會唔會覺得KK Chan做得好好，搵佢一路頂落去呢？