一年一度的書展今日開鑼，一連7日舉行，但書商過去幾日睇到天氣都皺晒眉頭，連日暴雨好得人驚，不只連場黃雨、紅雨，搞到水浸處處，而且行雷閃電，好似打風那樣，嚇到很多人都不敢出街，若然書展係咁，就唔知點算。
書展這個活動，每年人流達一百萬人次，能否旺場，先要看人流情況，過去一落雨，人流少一半以上。若書展遇上暴雨，可能發展成一場書災。
據參展商話，書展生意關鍵係開頭一兩日及星期六、日。開頭一兩日係「新屎坑」，參觀者較疏爽，所以不用減價太多，是書展賣書價錢最好的日子。之後隨著時光流轉，減價一日比一日多。
另一個高峰係星期六、日，多了平日要返工的人流，即使開始要減價較多，但也是大量去貨的日子。所以最好書展全程都不落雨，或者至少頭兩日和星期六、日放晴，就可以保到大量生意。
書商租書展攤位，一點也不便宜，如果位置好些的，四個檔位加埋，隨時要廿幾萬，賣唔到一百萬書，都好難打和。通常要靠開頭兩三天不用打很多折扣時，先賣大部分的書賺取一筆，然後在後尾的一兩天就要進入「要錢唔要貨」的減價血拼階段，如果開頭一兩日生意都差，就好易輸錢啦。
今早起身見到陽光，參展商初步都鬆一口氣。但他們也擔心星期六又再落大雨，因據歐洲中期預報中心 (ECMWF) 預報模式估計，香港在周六可能又有大暴雨的降臨。
有參展商話，估計今年參展商會提早殺價，除非頭一兩天人流超多就不用殺價，否則大家都怕尾段天氣唔好，先殺價收番個本穩陣啲，但個個書商都咁諗時，就變成鬥快殺價啦。
Sebastian
** 博客文章文責自負,不代表本公司立場 **
