錫老婆會發達 Bob揸新Benz載妻遊車河

近年狂吸金嘅阿Bob（林盛斌），年賺過千萬又坐擁半億身家，育有三名小公主外，又成功追到個仔，成幸福人辦！錫老婆會發達，阿Bob就駕駛其250萬新Benz四驅車載大肚妻遊車河，外出沖喜，唔怪得阿Bob愈來愈有米啦！

阿Bob同大肚妻遊完車河，心情變靚番

林太Pearl約於8月中生小王子，阿Bob會入產房陪產。

阿Bob日前揸其「新玩具」、落地兩個月嘅Benz AMG G63載大肚妻外出散吓心。當日兩公婆二人世界，玩到約7點半，就較啱時間去太子近花墟附近的餅店，接餅店老闆娘林母收工。見阿Bob將250萬「新玩具」泊喺餅店門口，等母親執拾時，就入便利店兜個圈。老婆腹大便便就留喺車內休息。未幾，阿Bob幫林母落閘，再替對方拎架車仔上車，然後一齊去食飯。

阿Bob呢架落地兩個月嘅Benz AMG G63，I.T老闆沈嘉偉和余文樂都有架。

當日乖仔接母收工去食飯。

阿Bob胞弟買咗呢間餅舖畀母親打骰

接咗阿媽後，一家人開心去食飯

事業順風順水，惜最近佢有份主持嘅無綫新節目《BigBoys歷險記》收到不少觀眾投訴。故剛過去嘅周日播埋第二集，陳國峰跟國際探險專家到郊區學習求生技能後，將節目腰斬。而大肚妻冒險佗B，患上妊娠糖尿，日打四支針，老公勁心痛。因此兩公婆才遊車河，沖沖喜。

阿Bob呢架落地兩個月嘅Benz AMG G63，I.T老闆沈嘉偉和余文樂都有架。