洪天明和周家蔚結婚後，三年抱兩，育有兩名囝囝。日前下午，天明忙工作吸金，家蔚就陪奶奶高麗虹去圓方湊仔兼行街。52歲的靚奶奶高麗虹輪廓鮮明皮膚白滑，三人沿途有講有笑，其間，高麗虹手口並用同新抱訓話，好在家蔚乖聽教又聽話，天明最開心！
洪天明嘅兩個囝囝無論外貌、身高都似足daddy。
本周五（25日）就34歲的周家蔚替洪家生了兩位萌爆小王子後，變身爺爺的影壇大哥大洪金寶渾身散發幸福味，閒時就和結婚逾21年的愛妻高麗虹弄孫為樂，還狂催天明追多個孫女給他。
點擊看圖輯
洪天明嘅兩個囝囝無論外貌、身高都似足daddy。
做咗父親後，天明不時帶父母及妻兒外遊，去年尾就舉家去三亞度假。（資料圖片）
早前就影到高麗虹和「細女」洪煦榆去圓方行街。（資料圖片）
高麗虹郁晒手講嘢，似同新抱周家蔚分析緊嘢。
兩婆媳嚴肅吹水幾分鐘，笑笑口完場，無傷感情喎！
TJ雖然會活躍周圍走，但不時會拖實嫲嫲和媽咪，幾乖巧。
周家蔚唔止係好新抱仲係好媽咪，細心照顧阿仔飲奶。
兩個女人雞啄唔斷笑口吹水，畫面有愛！
做咗父親後，天明不時帶父母及妻兒外遊，去年尾就舉家去三亞度假。（資料圖片）
而榮升索嫲嫲的高麗虹，息影多年，但靚樣依然，加上無生小朋友，身形keep得好fit。她視丈夫同韓籍前妻的三子一女為親生仔女，早前就影到她和「細女」洪煦榆迫港鐵去圓方行街。
早前就影到高麗虹和「細女」洪煦榆去圓方行街。（資料圖片）
日前下午，著得好悠閒的家蔚湊黐身大仔洪大仁（TJ）和奶奶行圓方。三婆孫閒逛成個鐘，買了幾袋戰利品就入超市。四歲的TJ似足父母生得好高大，而且好孝順不時拖實媽媽或嫲嫲。婆媳二人貼頭選乳酪、火腿、牛奶等，買東西有商有量。而TJ會模仿大人選購，又爭着推購物車。其間，高麗虹突然「mood到」，停下與新抱訓話，而家蔚亦非常尊重奶奶，收起笑臉雙手放背後，似足學生咁乖聽「訓導主任」說教。
高麗虹郁晒手講嘢，似同新抱周家蔚分析緊嘢。
兩婆媳嚴肅吹水幾分鐘，笑笑口完場，無傷感情喎！
奶奶嚴謹說教，家蔚猛點頭，似乎好同意。講足幾分鐘，二人笑笑口打破嚴肅氣氛，然後結賬離開。臨走時TJ夾在媽媽和嫲嫲中間手牽手，沿途兩婆媳繼續雞啄唔斷，感情超好似足兩姊妹。相信天明和大哥洪金寶看到這個有愛又溫馨的畫面，都會甜笑出來！
TJ雖然會活躍周圍走，但不時會拖實嫲嫲和媽咪，幾乖巧。
周家蔚唔止係好新抱仲係好媽咪，細心照顧阿仔飲奶。
兩個女人雞啄唔斷笑口吹水，畫面有愛！
