唐唐吸金力勁 個幾月籌1.5億俾江蘇總會

唐英年重出江湖，做西九文化管理局主席。久違了的唐唐吸金力好勁，睇佢點同香港江蘇社團總會籌款就知。

話說唐唐做牽頭人的江蘇社團總會想買永久會址，由唐唐去搵人捐錢，目標係1億。佢話用一個多月已籌到1.5億，初時叫人每個捐800萬，好多人認捐，仲有人話唔夠可以捐多啲，捐夠2億都得。佢地籌款對象也不限江蘇人，也有福建等不同人士，相當包容。

新會址裝修雅緻

籌到錢後去買樓，要搵地點方便，但樓價不要太貴，結果找到灣仔越秀大廈，7000多呎，樓價1億，用了2000萬裝修，其餘資金留作會務經費之用。有人問只有4個員工在7000呎會址返工，會唔會太大呀，唐唐話係因為會址有多功能廳，會議廳，可以用成本價租金，租借俾會員用。

最吸引Sebastian眼球係唐唐的辦公室內，牆上有中聯辦主任小明哥的墨寶，上書「蘇港同輝」。小明行將上京接任港辦澳主任，呢幅墨寶十分省鏡。

Sebastian

** 博客文章文責自負,不代表本公司立場 **

迪士尼搞的Marvel主題跑一連兩日舉行，Sebastian今日就去咗參加3公里跑湊吓熱鬧。主人家華特迪士尼樂園及度假區亞洲區總裁安明智滿場飛，佢身裁好fit，一睇就知係運動健將，不過要主持幾項賽跑的開步禮，就落唔到場啦。

起步十分熱鬧

迪士尼好有心思，不同比賽安排了不同的Marvel主題。活動共分為4個組別：最長的是美國隊長10公里；雷神托爾5公里跑；蜘蛛俠3公里跑，另外還有兒童跑。一眾Marvel超級英雄現身大會現場，Sebastian參加的3公里跑當然有蜘蛛俠現身。

3公里跑人頭湧湧

整個活動有1萬人參加，十分熱鬧，今天天氣好好，不算太熱。唔少人志在參與，扮鬼扮馬出場。

出席跑手扮鬼扮馬

更好的是無論速度多慢，參加者都有金牌一個！

出席皆有金牌