王喜撇甩同居密友 孖緋聞女友歎茶雞啄唔斷

係人都知王喜和陳志雲勁friend，私底下又有個同居同性密友Kenny，但王喜今次就撇甩密友，相約多年前的緋聞女友去尖沙咀High tea，二人開心吹水，雞啄唔斷。

王喜去年為監製兼導演的真人騷遊戲節目出trips拍攝，近年還自組公司兼開設旅行社「另類遊」。

王喜和志雲大師相交25年，講心唔講金，7年前志雲大師捲入涉貪案，王喜一直為他擋風擋雨。今年3月，志雲大師終極勝訴時，更大讚王喜是天使。私底下，王喜亦「私藏」密友Kenny 15年，對方去年傳出患重病暴瘦，王喜一力承擔每月六位數的巨額醫藥費兼要四出找名醫外，還盡可能留港工作，方便照顧對方。

志雲大師終極勝訴時，大讚王喜是天使。（資料圖片）

傳陳志雲打救王喜，搵好友演出《雷雨對日出》。

早前，王喜陪密友Kenny到中環歎茶，暴瘦Kenny戴眼罩，精神不俗。

日前下午，好得閒的王喜撇甩密友，相約多年前緋聞女友、前女DJ Kawaii去尖沙咀美麗華商場一餐廳歎茶。當日還有三位男女友人同行，五人淨飲喪吹水，向門口坐的王喜更似開talk show般，不停發言，開心猛笑，懞豬眼笑到一條線！

07年，從來未與女星傳過緋聞的王喜被拍到與前港台DJ Kawaii十指緊扣，街上漫步。

一行5人淨飲嘢喪吹水。

未幾，王喜眼利發現記者，即向友人通水話「有狗仔隊」，然後繼續傾偈，坐足逾兩小時才走人。

年到半百嘅王喜，塊面發福似方包。

由吳家樂與鄧兆尊主持的網台節目《娛樂好好玩》，經常大談娛樂圈熱話之餘，亦不時分享圈中秘聞，吸引不少網民追看。

在最新一集節目中，吳家樂表示自己算是見證過香港娛樂圈最輝煌的年代，也看過行業一路轉變。不過他坦言一直有個小遺憾，就是當年沒有在廣播道工作過，直到近年主持香港電台節目，才算補回心願。

吳家樂表示自己算是見證過香港娛樂圈最輝煌的年代

拍檔鄧兆尊則表示自己曾經在港台工作過，現在反而希望有機會到商業電台試試開咪。不過當吳家樂提到「大師唔係話咩......」時，鄧兆尊即時擰頭兼擺手說：「唔好了，我唔鍾意同大師做，大師太厲害了，佢言詞太高了，我頂唔住！」

鄧兆尊直言唔鍾意同大師做節目

吳家樂聽後亦十分驚訝追問：「你都頂唔住？」鄧兆尊則直言：「頂唔住！之前我講錯句嘢都雪咗9個月。」

他隨即分享一段往事。當時「大師」跑步經過他身邊，突然問：「鄧兆尊，聽講你嗰陣時唔覆機個喎？」鄧兆尊當時坦白回答：「大師，我無用Call機（傳呼機）好耐喇，因為嗰時已經無Call機。無諗到就係呢句嘢，一雪就雪咗我9個月！」

鄧兆尊指一句說話得罪「大師」

雖然他沒有直接點名，但當有網民追問是否陳志雲時，鄧兆尊亦沒有否認。

鄧兆尊亦沒有否認是否指陳志雲大師

吳家樂聽後笑說：「都要睇環境嘅，今時今日嘅鄧兆尊...唔覆你咪唔唔覆你囉！」鄧兆尊亦霸氣回應：「我雪返你啊！」並補充解釋：「嗰時真係無Call機嘛，我又唔係整蠱人。」

兩人亦感慨在娛樂圈生存並不容易，吳家樂直言：「有時打招呼又死，唔打招呼又死。要你死，你就係要死。」鄧兆尊則笑言，這其實要看當時是「紅運當頭」還是「黑過墨斗」。

吳家樂舉例說，在餐廳Canteen路過時，如果撞到「唔應該撞到嘅人」，可能就會出事。鄧兆尊更補充：「『哦，吳家樂，你無望我。得了，（雪藏）三個月啦。』真事來的，唔好以為講笑。」

二人指娛樂圈好易得罪人