*

upload_article_image

「瞓2、3小時」成政府的最新line-to-take 特首高官唔係幾健康喎?!

超強颱風「山竹」襲港後,交通大混亂,主責交通事務的運輸及房屋局局長陳帆「神隱」一星期,一直沒有在公眾場合露面,昨日早上高鐵通車,他終於現身,出席高鐵西九站通車儀式。

陳帆(右)今早再現身主持高鐵營運儀式,旁為港鐵主席馬時亨(左)

陳帆(右)今早再現身主持高鐵營運儀式,旁為港鐵主席馬時亨(左)

記者自然唔放過帆哥,問佢點解「神隱」咁耐,帆哥都預咗官方答案,話指自己一直與多個政府部門緊密連繫,運輸署和路政署的部門首長近日每晚只休息約2、3小時,團隊「都係夙夜不眠」。

同場的特首林鄭也幫陳帆兜,話上周日與多個部門首長會見傳媒時,因涉及風災緊急應變和部門監督都是由保安局負責,食物及衞生局則負責發佈傷亡情況,故只帶同那兩名局長會見記者咁話。

其實帆哥那個官方答案,最搶眼的是說「高官個個每晚只休息2、3小時」,真係個個係超人。唔知「瞓2、3小時」是否政府的最新line-to-take(官方口徑),連林鄭都講,被記者問到會否搭高鐵去北京開會,特首話去北京公幹就唔會啦,佢話自己每天睡眠時間只稍多於2、3小時,公幹亦需爭取時間做更多工作,不能花9小時在交通上,但市民有寬裕時間去旅遊及探親,她鼓勵市民多選用高鐵咁話。

特首高官個個都只係瞓2、3小時,唔係幾健康喎?!

小鯊

** 博客文章文責自負,不代表本公司立場 **