唔環保但愛工作 黃子恆自言新劇角色似自己

黃子恆話和角色一樣，自己除了工作、運動以外，只會一個人在家閉關......

36歲的黃子恆在TVB台慶劇《是咁的，法官閣下》飾演一位不拘小節，沉默寡言，工作以外是個毒男的事務律師，原來好有他的真實影子，他自爆缺點：「除咗工作、運動以外，成日一個人喺屋企閉關，生活好奄悶。仲有我真係同劇中人賴澤明咁唔太注重環保，唔會做垃圾分類。由依家開始，我會漸漸去改。」      

成日做大奸角，黃子恆相信觀眾遺忘了他有貪玩、孩子氣的一面。

上過《流行經典50年 》大展歌喉。

網民指劇中的黃子恆拿捏得不錯，都算演活「金鐘毒男」悶爆律師一角。他透露，因為開拍前編審做了功課，細心研究每個演員性格，然後攞他們的特質放進角色里，所以演員找到接近自己性格再放大做，相對做得好舒服，又易於投入角色，「其實之前我都唔太發覺自己唔環保，原來我習慣咗個袋總會有用過嘅紙巾，因為每當我經過餐廳、洗手間就會攞嚟用，用完隨手放入袋，呢方面我要好好改善一吓，替環保出一分力，由好簡單膠樽分類開始做。」

新劇《是咁的》，黃子恆演活「金鐘毒男」悶爆律師賴澤明。

子恆在主要對手麥明詩身上都學到好多嘢，尤其對方學歷高，有新思維。

黃子恆跟賴澤明最相似的特性，就是很熱愛工作，「我同劇中人都係冇乜私生活，好鍾意做嘢，唔鍾意瞓覺，但唔等於鍾意錢，我係享受成功感多過錢。喺呢個圈18年，雖然頭10年都係渾渾噩噩，但目標明確都係想做個好演員。我好開心今次終於有機會可以『改邪歸正』，因為近年嘅戲好似《降魔的》、《飛虎之潛行極戰》、《包青天再起風雲》等統統係反派，我唔係怕俾人定型，但套套劇都黑口黑面、鬧人、變態、發嬲，自己會唔開心，更加唔想觀眾以為我只係會做反派。」

之前在《飛虎之潛行極戰》中，反派黃子恆奸到入骨。

在未出街的新劇《包青天再起風雲》，子恆做棄妻殺子的反派人物陳世美。

黃子恆劇接劇，近日和揚明、張振朗、蔡思貝、鄧佩儀、關禮傑等拍新劇《機場特警》，操出6嚿腹肌。

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

馬貫東呢一吻都引爆唔少熱話。

以婚前被飛嚟講，黃子恆都算表現得冷靜抑制，仲有啲傷心添。

呢幕打爆鏡幾有Feel。

昨晚（3月19日）劇情講述佳琪（張曦雯飾）發現被奕風（馬貫東飾）利用來拒絕妙姿（陳瀅）後，竟發現對奕風有心動感覺，並決定與已是未婚夫關係的Aiden（黃子恆）分手..妙姿傷心的衝上奕風家欲找回自己的狗仔水壼，豬皮（關曜儁飾）雖明知阿妙心繫的是其Brother奕風，但仍竭盡所能氹阿妙開心…

昨晚一集Aiden及豬皮先後經歷「癡心錯付」，贏盡網民同情！先說黃子恆，其飾演的Aiden絕對慘情，縱然自身條件極好，但為佳琪死心塌地的他，為幫女方爸爸爭取最好的醫生，向關鍵人物—上司Madam Siu（潘芳芳飾）低聲下氣之餘，更甘願犧牲大好前途換取佳琪爸爸做手術機會，相當偉大。而向佳琪求婚成功後，Aiden亦有別於一般男人主動落手落腳籌備，又買定大屋氹未來老婆，可惜就在他自覺最幸福一刻，佳琪提出分手，理由更是「有第二個人令我心動」！子恆聽畢悲憤莫名：「即係我同你一齊咁耐，我都冇畀過心動感動你？」，之後更邊咆哮「我唔係要Sorry呀！」邊激動至打爆鏡，完全演活「男人最痛」，畫面震撼。

Leo喜劇節奏一流。

搞咁耐佢隻手唔攰架咩。

做開奸角的子恆，今次被狠飛後暫時反應尚算冷靜，兼未見復仇迹象，網民紛紛大感神奇，笑言：「黃子恆一直好人，好少有」，亦有網民覺得子恆隨時黑化。不過更令網民亢奮的，是有人發現子恆除了專做高薪厚職角色，還經常做敗犬，近期最經典的代表作是《虛擬情人》中的俊二，另外還有《是咁的，法官閣下》、《降魔的》及《乘勝狙擊》等，更有網民將子恆以往被離婚的場口放上網開心Share，並封他為「情路坎坷王」，認真抵死。

至於憑藉傻氣及義氣兩大特質獲封「傻強2.0」、作為《臥底嬌娃》「搞笑擔當」的「豬皮」，昨晚「失戀」場口亦演得「悲喜交集」、「笑中有淚」。在《臥底》中展現出超強喜感的關曜儁Leo，昨晚一見阿妙登門，原本背心孖煙囪自覺麻甩的他，即匆忙換上老西，更全程Chok甫企圖迷倒阿妙。可惜講多兩講，豬皮發現阿妙真正傾心的是阿風，並為對方大感心碎，為了鼓勵女神，豬皮強忍內心悲痛，雙眼發光向阿妙拋出一大堆讚美及鼓勵說話：「你最唔好就係唔知道自己有幾好」、「你是最『姣』的，你知道嗎」，又邊說邊跳「打氣舞」，直到阿妙離開Leo才內心感受大爆發，跌晒Watt兼紅著雙眼問道：「咁我又有咩唔好？」情景煞是淒涼。

呢個情深樣，真係睇到人好心痛。

佢仲真係做到真‧開心同扮開心嘅分別，好演技值得關注。

談到與陳瀅在劇中有大量對手戲，Leo接受官方訪問時坦言繼《火線下的江湖大佬》後、相隔10年再演單戀陳瀅的角色相當過癮又開心；Leo又感激陳瀅在「粉絲道具」中給予了不少寶貴意見，令整件事出來效果更好：「因為講我係佢Fans，我哋準備咗好多道具，其實好多都係阿瀅一早諗好晒叫我點做，所以真係好多火花。」

在鏡頭前演活「憨直純愛好男人」的Leo，私下是知名的「顧家好男人」及「寵妻狂魔」，婚後為了讓太太有更多休息時間，Leo即使要身兼藝人、專業健身教練及健身室老闆多職，但仍盡量爭取時間照顧小孩，換尿片、刷牙等全部落手落腳！

呢堆應援物品，原來陳瀅有份畀意見架。

呢個樣又係令人睇到好心up，救命呀！

「豬皮」角色人設搞笑得嚟有義氣又夠情深，好屈機呀。