自私到爆！
救護員分秒必爭將傷者、病人送院搶救，但有病人家屬竟將私家車停泊急症室門口最少10分鐘，阻礙救護車接送病人。即使救護員其後向家屬提醒不能停車，對方雖表示不好意思，但續說「等多一分鐘」，再取紙巾返回醫院。網民都一面倒怒轟司機自私，斥「盒紙巾仲緊要過其他人命？」
私家車停泊東區醫院急症室門外，阻礙救護車接送病人。網上圖片
有網民在facebook群組「柴灣人柴灣事」發帖指，前晚（17日）凌晨時份，家人突然昏迷，要由救護車送往東區醫院急症室，樓主則自行到醫院等候救護車前來。但他到達醫院時，竟目擊一輛橙色私家車停泊在急症室對出位置，其家人送抵急症室後，救護車更「要就一就佢，掉頭揸走架車」。
樓主說，該私家車司機與太太抱着兒子到醫院登記分流，期間將車停泊在急症室對出通道最少10分鐘，「幾架救護車唔可以喺正門口落病人」。樓主當時曾向急症室保安員反映，但保安稱停車問題歸停車場負責，故此未有介入，最終要由救護員到急症室尋找司機將車駛走。
樓主續說，司機現身後，未有即時駛走車輛，「佢一出來幾個救護員都講，先生呢度唔可以停車啊！佢就話唔好意思唔好意思，等多一分鐘，我見佢喺車度拎盒紙巾入去，再出來揸走架車」。
帖文掀起熱議，網民都斥責司機離譜：「有時就差一分鐘」、「幾趕都唔應該咁停啦，個個都用呢個理由亂停，咁要救護車停邊？！」，又認為司機「好有禮貌咁做咗啲好冇品嘅事，點解唔可以叫個老婆搞手續，自己去泊車先」。另有網民質疑，「有當值駐院警員，做乜唔搵佢出嚟抄牌」，並批評該司機是顧他人性命，認為「真係要有處罰，仲要係嚴重嗰隻。」
