為買樓儲老婆本投資開餐廳 胡子彤孖女友撐檯腳做生招牌

好事近？！

胡子彤繼兩年前因電影《點五步》由棒球員變演員身分後，今年他決定跨界做埋飲食，伙拍哥哥及已故化妝大師陳文輝的孫兒Gary Chan，榮升做鐵板燒店的老闆，更在新春期間開幕，一家人與女朋友歐鎧淳，及圈中好友吳肇軒、談善言、柯煒林、陳宇琛等也現身支持。

胡子彤創業為儲老婆本同買樓，女友當然支持。

問為何會有投資開餐廳？子彤說：「其實我同好多90後一樣，不懂理財，但也有想買樓上車、畀家用、儲老婆本的需要；今次有份一齊投資的拍檔，是去年拍電影《明日戰記》時認識的特技化妝師，佢同我講了很多投資、未來的事情，大家覺得好啱傾，當佢打算開這間鐵板燒時又真係預埋我......我心目中的諗法係，與其有錢時我又會亂使，不如當投資機會！」

胡子彤創業為儲老婆本同買樓，女友當然支持。

子彤自言喜歡吃，平時同班朋友都鍾意食肉、燒烤類和飲酒，「雖然我未必可以投放到好多時在餐廳幫忙，但我會不斷推介畀朋友，叫大家約食嚟呢度！」榮升做餐廳老闆，問到會否經常帶女朋友來撐檯腳？子彤笑言：「都會㗎！生日、情人節、乜乜紀念日都係喺度食，我諗女朋友唔介意嘅！哈哈，講笑啫！好似今年情人節，除咗食飯，我都送咗份親手整嘅禮物畀佢，好在女朋友都表示滿意！」

胡子彤創業為儲老婆本同買樓，女友當然支持。

胡子彤創業為儲老婆本同買樓，女友當然支持。

胡子彤創業為儲老婆本同買樓，女友當然支持。

林峯、劉俊謙、胡子彤同張文傑齊齊分享拍攝《九龍城寨之圍城》期間的趣事和感受。

ViuTV節目《周六食花生》逢星期六晚上8時30分播放。節目由陳俞希（Hailey）、李禹燊（Oscar）和黃汛一（Jake）擔任主持，每週請來不同嘉賓介紹新作及暢談近況。同場亦會請來幾位敢言、有特色的「花生友」一起探討與嘉賓相關的生活話題。明晚（4月27日）播出的一集，邀請到《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。

今集嘉賓邀得《九龍城寨之圍城》演員作分享。

今次戲中有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」而劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫14針。

劉俊謙

劉俊謙拍攝期間不小心被電單車死氣喉燙傷。

胡子彤分享意外被踢傷下巴的經歷。

談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」被問及下次4位兄弟合作會想拍甚麼題材，林峯笑言想拍一齊拍BL四角戀，令在場所有人都哭笑不得。

林峯盼開BL戲大玩四角戀。

林峯盼開BL戲大玩四角戀。

林峯獲劉俊謙讚溫柔細心。