*

為囡囡搞百日宴 祖藍妙語冧亞男:王家因你而改變

囡囡都係似媽媽好啲~

王祖藍與李亞男昨日(17日)在迪士尼筵開逾四十席,為寶貝女Gabrielle 舉行百日宴,並 「懇辭賀禮」,將所有人情轉贈慈善機構Lifewire,幫助香港的罕有病兒童。

王祖藍與李亞男昨日為寶貝女Gabrielle舉行百日宴。

昨日赴會群星眾多,包括祖藍好友蔡少芬一家四口、鄧萃雯、郭晉安與囡囡、阮兆祥、苟芸慧夫婦、方力申、羅敏莊一家三口、陳爽、林欣彤、陳嘉佳、梁嘉琪、何遠東、陳豪一家五口、薛家燕、羅蘭姐、林盛斌太太及四位小朋友等。

祖藍與亞男多位圈內好友都有出度。

羅敏莊一家三口

蔡少芬一家四口

林盛斌太太及四位小朋友

薛家燕

陳智燊和老婆宋熙年

羅蘭姐

方力申

祖藍與亞男上台致謝辭時表現興奮,除了表情多多,更即席宣布愛女的中文名字:「我拍緊《你咪理》嘅時候,阿女只要一聽到戲入面嘅音樂,就會踢佢媽咪個肚。我覺得佢係天上嚟嘅音樂,所以佢個名係叫做王天韻。」

祖藍與亞男宣布愛女的中文名字叫做王天韻。

事後,祖藍與亞男齊齊受訪,祖藍笑言十分感恩女兒愈大愈似太太:「我好開心,初初BB出世時未收水,好似我咁一PAT嘢。但後來佢收水後,我就感恩佢愈嚟愈似我老婆。其實我啲DNA都好強架,估唔到輸咗畀太太。」亞男即笑指祖藍應感激她,祖藍聞言搞笑大派冧招謂:「好多謝你呀!王家因你而改變!醫生仲話,我個女喺同齡嘅BB嚟講算係高架!」

祖藍笑言十分感恩女兒愈大愈似太太。

祖藍笑言想不到自己的DNA輸了給太太。

乖巧的Gabrielle雖然接連要跟大批賓客朋友合照,但全程未有扭計,但向來愛錫囡囡的祖藍及亞男,一見愛女打呵欠即著陪月姐姐帶女兒返回「公主房」稍事休息,並拿出大批1比1紙版囡囡「頂更」,氹得賓客朋友十分開心,更大讚紙版Gabrielle可愛度不輸真人。

Gabrielle好得意~

祖藍及亞男非常愛錫囡囡!

用作回禮的手工糖果亦相當有心思,除了有一家三口的合照外,其中數粒糖果更印有Gabrielle的英文全名。