索人妻姚嘉妮持家有道 開工前頻撲行超市去銀行

賢妻良母~

現年四十歲的姚嘉妮，雖然早在十三年前嫁給前亞視藝人林祖輝，兩人育有一子一女，但作為兩個小朋友的媽咪，保養得宜，身材完全冇走樣。早前，她在無綫新劇《她‧她‧她的少女時代》，拍攝一場着泳衣的落水戲，大騷佢fit爆身形，更乍現馬甲線。

姚嘉妮〇六年下嫁林祖輝後，誕下一仔一女，大女煦錡今年九歲，而細仔璟豪今年就六歲。(東周刊圖片)

keep得咁fit，難免令人好奇，她的日常起居飲食生活，是怎樣保持身材苗條？早前，記者在西貢發現她的蹤影，全身黑色衫裙，戴埋黑色cap帽，左孭住個手袋、右孭住個購物袋，好忙地趕去銀行搞戶口、財務，看來持家有道的她，應該是屋企的財政大臣。

雖然姚嘉妮既係人妻又係人母，但都係職業女性；跟住，佢就揸車趕返去電視城開工喇！。(東周刊圖片)

之後，再去附近行超市，全程睇多過買，似是「師奶仔」在格價，相信平時一定精打細算。最終就只買了一包餅乾，然後自己揸車返回電視城開工。看來人妻人母的她，生活其實都係平淡是褔。

之後，佢去咗一間超市閒逛，仲十足格價專員咁，好留意啲貨品嘅價錢牌。。(東周刊圖片)

排隊去銀行辦理財務事宜嘅姚嘉妮，足足喺銀行搞咗近一個鐘，為日常瑣碎事忙碌。。(東周刊圖片)

成身黑衫黑帽嘅姚嘉妮，行到氣急敗壞，匆匆忙忙，好似好趕時間。。(東周刊圖片)

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的全新輕鬆動作喜劇《臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

《臥底》呢種卡通式嘅特效都幾有趣，亦強調咗心理分析嘅部分。

要做到一邊眼角＋嘴角向上、一邊眼角＋嘴角向下真係難度極高。

打字係一指神功嘅馬貫東，要面試大集團嘅助理真係Kick Kick地。

昨晚（2月25日）劇情講述權世豪（杜燕歌飾）落網入獄，潘奕風（馬貫東飾）立下大功並回歸警隊！潘奕風私自借走權世豪證物查看，引發郭宗南（黃子恆飾）及沈佳琪（張曦雯Kelly飾）懷疑。潘奕風（馬貫東飾）向上司禢步青（黃子雄飾）指出權世豪上線極有可能是愛邦妮集團的劉彪（關禮傑飾），要求回復臥底身份，並於前往愛邦妮集團面試期間鬧出不少笑話⋯

昨晚最啜核一幕，是修讀「非語言行為學」的Kelly，發現馬貫東左邊面「死魚眼」兼「扁扁嘴」，右邊面卻「杏仁眼」兼「自信笑」；基於學術理論，Kelly推斷馬貫東內心及表現於人前的情緒有極大反差，斷定馬貫東有不可告人秘密。該幕除了有趣的學術性對白、及跳脫的畫面特效字令人眼前一亮，馬貫東的「左右面反差」演技亦技驚四座，兩邊眼角及嘴角竟能明顯地一邊向下、一邊向上，名副其實連「肌肉都有戲」。
 
有網民質疑馬貫東這場戲是否AI特效協助／合成，對此馬貫東接受官方訪問時透露是「實拍實做」，並坦言相關表情狀態難度極高：「要保持左邊面整體下垂、眼尾嘴角都要向下沉，但右邊面啱啱要完全相反、所有嘢都向上，呢個鏡頭都拍咗好幾次。我拍到最後個嘴角會不自主咁顫抖，眼袋都有抽搐。事前都真係要認真練習㗎，有時候未埋位都會自己練吓。」

姚嘉妮嘅氣場真係不得了。

呢位面試官真係好Mean。

Alan都好有喜感。

Alan「IT書蟲」Look有驚喜
昨晚馬貫東的Solo位絕對不少，除了有之前宣傳過的晒減肥20磅成果的剝衫戲碼，還有「烏龍面試」晒搞笑功力，該場面試戲還有兩位神助攻演員，分別是相隔三年再度亮相無綫劇集的姚嘉妮，以及以宅男姿態晒「起雙飛」神技的吳兆麟（Alan）。

已是兩位小孩媽咪、大女兒已接近成年的姚嘉妮，在劇集裏狀態依然大勇，出名靚女的她逆齡之餘兼依然女人味十足。對於姚嘉妮久別亮相，網民無不感到驚喜，大嘆「好耐冇見」之餘，還大讚她保養得宜，相當好戲。飾演「Mean爆女面試官」的Flora，駕著黑框眼鏡加上密集式「白鴿眼」＋連環「藐嘴」勁有喜感；至於Alan瘋狂投入「起雙飛」打字的狀態＋「IT書蟲」Feel亦煞是搞笑，令場口極有記憶點。