朗嘎拉姆直言希望25歲前供完層樓。
出道已四年、有「小鄧麗君」之稱20歲的泰國華僑歌手朗嘎拉姆經已賺到第一桶金，她自爆去年已在泰國成為業主，花百幾萬港幣在曼谷市中心買下房子供家人同住，年紀小小非常叻女！「小鄧麗君」目標好清晰，揚言繼續慳家及努力賺錢，務求25歲前供完層樓。
點擊看圖輯
更多相片
20歲的拉姆話自己年紀唔細，要開始喺歌唱上建立個人風格。
年紀輕輕已於泰國做業主，拉姆每次返到新居都好開心。
出道時拉姆年僅16歲，一臉稚氣。
拉姆15歲開始當家，照顧媽咪及細佬妹。
陳玉蓮是她fans，有捧場睇她演出。
拉姆在河北大學修讀課程，課餘時間就唱歌。
20歲的拉姆話自己年紀唔細，要開始喺歌唱上建立個人風格。
年紀輕輕已於泰國做業主，拉姆每次返到新居都好開心。
2015年，16歲的朗嘎拉姆參加內地選秀節目《中國好聲音》，選唱鄧麗君的《千言萬語》，一鳴驚人，雖然未能得獎但被賞職離鄉別井獨自赴北京發展歌唱事業。雖然正值青春期，但拉姆有別於一般少女只顧拍拖，因為爸爸於七年前過身，遺下媽咪、弟弟及當時僅得兩個月大的妹妹要照顧，為了家人要努力賺錢，改善家人生活就是她人生最大目標。
出道時拉姆年僅16歲，一臉稚氣。
拉姆15歲開始當家，照顧媽咪及細佬妹。
朗嘎拉姆將於5月25日及6月6日分別在香港大會堂及沙田大會堂舉行《我和你2019演唱會》，經已第三次來港開個唱的她今次仲會演繹新歌《承諾》，新歌會加點R&B的味道，比較年輕，「今次會少唱一啲鄧麗君嘅歌，想多啲人留意我嘅歌聲，會用15分鐘唱鄧麗君串燒歌、許冠傑嘅《浪子心聲》外，最新挑戰係唱韓文歌，演繹《來自星星的你》主題曲《My Destiny》，希望帶出驚喜，我好鍾意睇呢套劇，每次都好感動。」
陳玉蓮是她fans，有捧場睇她演出。
提到感動的愛情故事，原來拉姆只試過puppy love，未真正拍過拖，但笑言因為性格開朗所以有好多人追：「目前工作為先，冇計劃談戀愛，而且睇電視劇、小說，依家啲男人騙財騙色好可怕，成日出軌，唔想心靈受傷害。」
拉姆在河北大學修讀課程，課餘時間就唱歌。