許老爺情人刪FB 驚被追貪款

前政務司司長許仕仁(許老爺)被判有罪後，上海情人即被曝光，原來呢位沈小姐在海外開咗個facebook帳戶，回到上海兼在許老爺那裡吸金8百幾萬後，2011年後許老爺自知出事後再冇聯絡佢，雙方好似無聲無息咁就算分咗手。

  

沈小姐返內地後，在內地上唔到Facebook，可能想盡快忘悼香港的一切，無翻牆上海外網，唔記得咗FB上PO咗自己的靚相。

 

許老爺判刑後，記者打鑼咁搵沈小姐，就搵到佢FB專頁，益咗記者搵到她的玉照，啲相曝晒光。今日個帳戶已經刪咗相片，睇嚟佢發現咗自己的玉照岀晒街。不過，要下載的記者一早就已經存起晒啲相啦。

 

聞說沈小姐呢幾日被大肆報道後，驚到不得了，或者擔心許老爺罪名成立，咁許貪污回來的錢，再送樓送車俾沈小姐，廉記會唔會追番間屋同車架？！不過，睇嚟要追都唔係咁容易，好難證明到兩者的關係，兼且在內地的資產亦難凍結。

不過呢個故事教訓大家，社交媒體咁發達，PO相都係小心啲好。

Ariel

** 博客文章文責自負,不代表本公司立場 **

前政務司司長許老爺(許仕仁)涉貪罪成，縱橫政壇商界多年，落得破產成階下囚，大起大落經歷成城中熱話，在聆訊期間爆出大使豪花令人側目，其中最熱的話題莫過於為小三豪花八百多萬。

東周網截圖

昨日呢位前港龍空姐沈莉娜被曝光，其中一張似在影樓拍攝，輕托香腮，五官玲瓏標緻，雖不算驚艷，亦屬小家碧玉，美人一個。

 

新出版的東周刊爆料，話連月來在上海追訪許老爺這位前度情人，據東周刊官方網頁的介紹，沈莉娜詳談同許老爺的一段關係同判案的感受，她話：後悔亦沒用！東周刊又揭發這位當年的小三，已有另一段同居感情。至於這位空姐變身千萬富婆的經歷，以及她如何令在八個月內在許老爺身上吸金八百多萬，記住睇吓周刊的詳細料啦。

東周網截圖

睇封面，今年34歲的沈莉娜，淡掃娥眉，皮膚白哲，Keep得不錯。這位上海姑娘經歷不少，1980年出生，與許老爺年紀相距達33年，2005年認識許，之後一年沈莉娜嫁人，並隨丈夫到新西蘭定居，08年返回上海，同老公離婚收場，沈女士想起了許老爺，之後就穿梭內地香港，過上被包養的生活。

據悉她向廉署承認09年7月收到的一百萬元人民幣匯款是最後一筆錢，之後許仕仁再沒有匯款給她，「我亦沒有要求他這樣做，因為他已給了我很多錢，我亦不好意思再收。」回首前事，沈莉娜的結論是：後悔亦沒用。