潮凱還笑言打算送給一本給囡囡做兩歲生日禮物。
楊潮凱離開TVB後，最近再有新搞作，推出首本寫真集《Go With The Flow》，作為自己入行10年紀念。寫真集內潮凱有不少晒肌性感造型，但他強調得到老婆江玉儀百分百之力撐，更笑言打算送給一歲囡囡兩歲時的生日禮物；至於藉此吸納同性粉絲，他就認為是好事，亦覺得是自己的光榮。
點擊看圖輯
平日靠打泰拳keep fit的潮凱，影寫真集前狂做健身練得一身靚body。
潮凱早前為拍《法證先鋒IV》，增肥到170磅。
13年潮凱跟拍拖11年的初戀女友江玉儀結婚，太太一直好支持他工作。
一歲多囡囡心悅（Catherine），是潮凱工作的動力。
潮凱認為只要影得靚，唔介意着得少去影相。
不用當街當巷，只在海邊除衫影，令潮凱自在好多。
瞓晒地擺甫士，潮凱完全唔覺得辛苦。
平日靠打泰拳keep fit的潮凱，影寫真集前狂做健身練得一身靚body。
潮凱本身好鍾意攝影，以往只想過將自己作品出書，反而沒有想過出寫真集，最初獲出版社邀請時都有猶豫，「嗰時我啱啱拍緊《法證先鋒IV》，為個角色增肥到170磅，狀態好似唔係太適合影，不過我最後都答應咗，當係自己入行10年嘅紀念，亦都想挑戰吓自己，結果我用24日減咗26磅，自己都估唔到可以做到。」至於書名《Go With The Flow》就是他入行10年所領略，「如果喺娛樂發展，只要順其自然就會舒服好多。」
潮凱早前為拍《法證先鋒IV》，增肥到170磅。
潮凱指今次影寫真集，老婆一如以往力撐他，「佢一向好支持我嘅決定，由離開TVB變自由身，到今次出寫真集都係，佢仲叫我畀心機去影相。（啲相都幾性感喎？）太太唔會介意，佢覺得影得靚就OK。（第時會唔會畀囡囡心悅 Catherine睇？）我諗住佢兩歲時送畀佢做生日禮物呀！哈哈！」問到有冇想過出寫真集會多了同性粉絲，他就覺得是好事，「你唔問我真係冇諗過，但係可以吸納到唔同層面嘅支持者，絕對係我嘅光榮嚟。」
13年潮凱跟拍拖11年的初戀女友江玉儀結婚，太太一直好支持他工作。
一歲多囡囡心悅（Catherine），是潮凱工作的動力。
講到去馬來西亞拍攝，潮凱笑謂只擔心會被拘捕，「我哋喺檳城影咗4日，係第一日比較辛苦，因為要走五、六個景，但團隊好齊心，影得好順利。不過，當地始終係伊斯蘭教，我有啲相要當街除衫，都驚畀人拉，隨時成為佢哋開國以嚟第一個因影寫真畀人拉嘅藝人。」
潮凱認為只要影得靚，唔介意着得少去影相。
不用當街當巷，只在海邊除衫影，令潮凱自在好多。
瞓晒地擺甫士，潮凱完全唔覺得辛苦。
