CY一家大細去遊玩

聖誕撞正周四、五，變相一連放四日，大家都可以輕輕鬆鬆放假玩番餐。

 

20141228_cy行嘉年華 (3)_704

上京述完職的特首亦都偷閒，今日有網友在中環歐陸嘉年華門口撞到CY一家，CY阿仔愈大愈高大，同三妹一齊拍住阿爸同阿媽行。

網友報料話，以為CY會入去嘉年華會場，但原來只係見到行咗個圈，有兩個G4跟住佢。

初時以為好多新聞的二女齊昕無同行，但原來佢只係大墮後，行喺後面，不停撳電話同傾電話，網友仲話齊昕又係真同屋企人有啲唔同，好似其他人都著便服，佢就扮得靚靚同埋三吋的高跟鞋，學佢話齋好典型的後生仔女咁，鐘意扮吓靚玩手機，起碼都肯陪家人出來行吓街啦。

Ariel

** 博客文章文責自負,不代表本公司立場 **

跌錢案繼續係城中至熱門話題，至今合共有41人交回640萬7千元，加埋拉人起回的16.2萬元失款，仍有865萬元下落不明。大家吹水的題材係究竟仲有幾多人拾遺不報自己袋咗？有無人叻到執到大錢怕被人影到，去警署交番條細數？當然更重要係咁多錢唔見，成件事係唔係有預謀？

事件中被警方拘捕的兩男一女，包括姓呂回收商（43歲）及其李姓女友(36歲)，以及從事金融的姓蔡男子（23歲），3人昨日先後獲准保釋外出候查，下月返警署報到。蔡姓男子保持其高調作風，昨午在facebook留言稱已離港：「多謝關心，我無事，呢兩日我五系香港，尋晚畀完口供已經去左休息，今日有好多傳媒朋友打過電話畀我，我星期二至三先會回港。」他更聲稱回港後會接受傳媒訪問。

這名蔡姓男子因為事發後在網上上載一磚50萬元中銀現鈔照片，聲稱「返公司途中拎到少少」，又透露去澳門，才被警方緝捕歸案，傳聞在調查過程中並無起回失鈔。警方懷疑有人拾遺不報及到澳門洗錢，但涉案人士否認犯案，辯稱只是轉載相片。

警方要查涉案人去澳門有無洗錢，並不容易，但要查是否轉載圖片，卻不困難，只要翻查手機或電腦的紀錄，就可以證實涉案人有無講大話。當然保釋外出唔等如無事，因為另一案的男女被搜出16.2萬，案情都好清楚，警方一樣俾佢地保釋，只要警方相信佢地無潛逃機會不大，就會俾保釋。