那邊廂阿信屋、松悞庫等多家零食店正鬥個你死我活，這邊廂於九龍城開了近六十年的合成士多卻快告結業。在時代巨輪下，似乎再容不下街坊小店。然而有倖存者依舊保持自我一套，就如豐昌辦館與財記士多，沒有新潮的舖面裝潢，賣的是多年如一的懷舊零食，還有與熟客們的情義。
豐昌辦館來年便踏入四十年，多有街坊熟客捧場。
「辦館」一詞現在已很少聽到，其實它是超級市場的雛型，類似大型士多，售賣糧油雜貨，種類形形色色。像位於沙田瀝源邨的豐昌辦館，來年便踏入四十年，在過往巔峰時期，分別在佐敦、油麻地及禾輋均有店舖。不過，佐敦店現已改做同名餐廳、油麻地店已結業、禾輋則因貴租只餘下半間。
點擊看圖輯
豐昌辦館來年便踏入四十年，多有街坊熟客捧場。
木櫈經過多番修補，同樣用足四十年。
薄利多銷是豐昌的經營之道，而且有少懷舊貨品獨家發售。
開舖用到現在的阿華田鐵罐，以前會用繩吊高，再拉低找贖零錢。
財記士多在在南山邨開了三十六年，深受學生歡迎。
各式懷舊小食應有盡有。
七十有一的老闆王生仍堅持開舖做生意。
店內掛出一、二毫不收的告示。
木櫈經過多番修補，同樣用足四十年。
「間舖係阿爸同四叔做落，我哋叫做接手經營，最緊要係繼續省靚個招牌益啲街坊。」店主曾太謂。雖然生意不可叫客似雲來，但有瀝源邨、禾輋邨的街坊熟客幫襯，加上不少馬場客會來此買酒，所以算是賺到下錢。
薄利多銷是豐昌的經營之道，而且有少懷舊貨品獨家發售。
薄利多銷是豐昌的待客之道，除了不時做優惠、送贈品，亦有賣平價又懷舊的產品：「有啲嘢得我哋呢度有得賣，好似老人家用同玩既火柴、十五湖咁，得呢度有咋。同埋我哋仲有一兩蚊的零食，係連鎖店都嫌細唔做。」不少絕跡超市多時的糖果零食，在此依然可見芳蹤，好像Red Band盒仔果汁糖、戒指糖和眼鏡朱古力，在這裏賣足幾十年。「依家啲人講究衛生，所以有時包裝唔同咗，好似眼鏡朱古力、吹波糖都有啲變，不過其實都係同一樣嘢。」四十年如一日的食物還有靫囉酥、老婆餅及光酥餅等中式餅食，不管如何通漲，都只是賣三、四元，可謂抵食之最。
開舖用到現在的阿華田鐵罐，以前會用繩吊高，再拉低找贖零錢。
曾太謂接手辦館着實不易，每朝五點九開舖，一做就十五個鐘。「我哋農曆新年都唔休息，因為最多客最多生意，真係年終無休，我同老公想休息或者剪個頭髮，都要等個仔放假有時間返來看舖先行得開。」
豐昌辦館
地址：沙田瀝源街6號瀝源邨華豐樓平台
財記士多在在南山邨開了三十六年，深受學生歡迎。
「唉，我哋士多仔賺得幾多啊，你有眼見。」在南山邨開了三十六年的財記，老闆王生吸口煙仔淡然輕歎。由1977年起，王生租了面向大街、兩個一巷之隔的舖位，並將之打造成二合為一的獨特格局，多年來南山邨上上下下不知有多少學生、小朋友，傾囊以零用換零食，成為士多的最強支柱。
各式懷舊小食應有盡有。
雖然王生不斷說舖頭仔「無特別貨源，都係人有我有。」但除了大路的啤酒汽水，不少懷舊零食如冰菠蘿、乾奶片、香芋糖及可樂藥丸糖，都可在這五臟俱全的士多中找到。訪問期間，學生客依舊絡繹不絕，看來甚麼零食大戰，對財記影響不算大。
七十有一的老闆王生仍堅持開舖做生意。
「反而南山邨已經老化就係真，之前話拆果陣都有好多人來做訪問，其實無乜特別，不過最大感觸係呢一代學生無以前咁有禮貌，好多時買嘢都粒聲唔出。」七十有一的王生笑謂。
店內掛出一、二毫不收的告示。
士多零食利潤好微，但就要成日坐係度看舖，而正正因為每單「生意」賺得一個幾毫，店內寫明一、二毫不收：「以前收好多毫子，依家唔收。毫子係『消化不良』，存入銀行要收番手續費，轉頭來等如白做。」
財記士多
地址：石硤尾南山邨商場86號舖