憑《激戰》7度封帝的張家輝近年做埋導演開戲，老細排隊畀錢佢賺，紅到黐線。今年賀歲片《賭城風雲II》就有他同平民特首周潤發拍住上搶票房，監製劉偉強踢爆「張七帝」的片酬追貼發哥。有今時今日的成就，家輝好謙虛地多謝大家對他的厚愛，他並無忘本，特別要多謝昔日所有說過捧他的亞視揸fit人。對於ATV拖糧兼冇錢交牌費，面臨清盤危機，張家輝收起笑臉，一本正經：「我願意幫，但要有效益去幫。」
家輝談到亞視境況不斷歎氣，但提到在《賭》片中負責衝鋒陷陣，打到飛起的余文樂，家輝即刻笑晒，指兩人好有交流，他說：「我都好錫後輩，因為好想香港電影圈可以健康同健全啲。」
亞視仍未支付餘下一成員工12月份薪金及全體員工一月份薪金，加上未交千萬牌費，或會被通訊局釘牌。亞視出身（1989年——1995年）的張家輝與《頭條日報》記者傾談時，坦承對娘家存在一定感情：「呢個唔係八卦新聞而係一件慘事，尤其是對在職藝員，所以唔可以幸災樂禍，亞視不斷經歷改朝換代，長期捱打，搞到今日咁真係有啲惋惜。最唔明白點解王征唔肯出售持有嘅股權？我諗王維基係最適合接手人選，始終佢有呢方面嘅經驗。」
點擊看圖輯
家輝談到亞視境況不斷歎氣，但提到在《賭》片中負責衝鋒陷陣，打到飛起的余文樂，家輝即刻笑晒，指兩人好有交流，他說：「我都好錫後輩，因為好想香港電影圈可以健康同健全啲。」
發哥知道家輝唔舒服後曾作出貼心建議，「發哥建議我多行山強身健體，佢甚至畫埋行山路線圖畀我，好窩心話呢條路最適合我初中級嘅行山人士。」
家輝曾為ATV演過多部重頭劇如《勝者為王II》、《洪熙官》、《馬場風雲》等
家輝憑《激戰》七度封帝，的確威
為拍《激戰》，高齡張家輝要進行地獄式操練變成肌肉人
發哥知道家輝唔舒服後曾作出貼心建議，「發哥建議我多行山強身健體，佢甚至畫埋行山路線圖畀我，好窩心話呢條路最適合我初中級嘅行山人士。」
張家輝有情有義，表明願意幫亞視，但點去幫？他又坦言真係有難度，始終有太多根深柢固的問題：「大原則要有效益地去幫，就算我去參與演出《星光再現》演唱會又有乜用？係完全不設實際，嚟撐住個雞頭唔會由逆境變順境，會即刻起死回生咖嘛。其實亞視首要做好自身節目，咁自然會有好嘅收視！」
家輝曾為ATV演過多部重頭劇如《勝者為王II》、《洪熙官》、《馬場風雲》等
家輝效力於林伯（林百欣）年代，他形容在舊公司「乜嘢都有機會發生」，印象最深刻是不同年代揸fit人都話過要力捧他：「亞視每改朝換代一次，揸fit人就接見我一次，談話內容離不開，點捧你上上流社會，聽到都麻木晒，每次例牌答案咪：『好，試下囉。』最搞笑其中一個揸fit人同我講完後一星期就拎住紙箱畀保安押走。點都好啦，有今日嘅成績都要多謝亞視，個個都有份幫下我咁囉。」
家輝憑《激戰》七度封帝，的確威
今次在《賭》片中家輝飾演一位足智多謀的會計師，同發哥鬥智鬥力。首次與發哥合作的家輝對偶像讚不絕口：「我細細個就撈晒佢哋戲汁，好似《網中人》、《英雄本色》、《秋天的童話》等等。同佢交過手後對佢就更加尊敬，印象最深刻有次我唔舒服拍攝途中要去睇醫生，之後佢喺服裝間同我碰面就真心地問候我，被一個神級人物慰問簡直不可思議，發哥咁好人，同佢合作得超級開心，唔覺得有壓力。」
為拍《激戰》，高齡張家輝要進行地獄式操練變成肌肉人
家輝會唔會食住個勢開戲畀發哥呢？「我都想寫部戲畀佢，但港產片資金有限，我諗真係要一個好突出嘅角色先敢邀請發哥，而唔係純粹搵個角色佢做令部戲增添色彩囉，人哋錫我支持我，更加唔可以亂嚟。雖然下部戲用唔起發哥，但我都用咗佢個乳名『細狗』做戲名。」語畢，家輝得戚大笑：「我爆埋發哥私隱你知喇，哈哈哈。」如果再下一城，家輝最想跟發哥合作拍一部槍戰片。
