倒後鏡睇香港過年

忙了一年終於靜下來了，祝大家羊年平安大吉！

依家過年咩都有消費的痕跡，年青一代對過年的記憶可能只剩下維園年宵，揚心係老人家，細個過年好開心，大人忙著做賀年食品，包角仔、炸煎堆，記得角仔的餡料，只有有花生、沙糖、芝麻，已經係好好味的食品，最緊要係媽媽親手整。有時年三十晚，會去北方朋友的家，睇佢哋包餃子，又係另一種風味的年。食完年夜飯，仲有一個重要活動，一家圍埋刨蘿蔔，通宵蒸糕，細個父母都會要求早睡，只有年三十晚，可以玩通宵。

有朋友找來美國LIFE雜誌的一組相片特輯，攝影師JosephScherschel在1954年拍攝香港一個家庭點樣過年，小朋友攞利是錢，大人忙著煮年夜飯，仲有拜祖先...一切都只有在這舊相片中，找尋我們對「過年」的回憶。

揚心

** 博客文章文責自負,不代表本公司立場 **

一分鐘咁短，點度過先不枉此生？

德國動畫導演Michael Reichert的作品，有啲誇張但幾幽默，又不失思考的空間。故事係講一隻蒼蠅只得一分鐘生命，攞咗一份生命清單，嘗試等短短的生命，完成所有的精彩。

結局睇嚟都算完滿，蒼蠅在生命的最後一秒鐘跌入一滴琥珀中，變成標本，「看」到了滿天星空，喺一個博物館中被展出，一下子完成了「出名」呢個好似無可能的目標。

但係咪幸福呢？蒼蠅在絕望中結束生命，牠飛過高樹，但無時間停落嚟欣賞，牠遇上受侶，匆匆交配後就要逃難，牠偶遇到朋友，其實係天敵，青蛙。最後雖然出咗名，但其實係「被出名」，只係被別人評價。

我哋係咪要攞住人家清單去生活、去奮鬥、去追求呢？生命是否精彩係咪就要跟足既的清單去完成呢？