反腐豪食變特價餐

農曆新年係大節，過去幾年年三十前幾日，北京幾乎成為一座塞車城，唔係因為放假七日要趕將工作做完，大家都明路上行走的都係送禮的車，一想到過年過節的塞車就頭痛。

毛拍手一位朋友剛剛到北京省親過年，他話以為自己去錯咗北京城，過年前幾日無再出現瘋狂的塞車，明顯送禮的人潮收歛好多。

朋友久違北京，特意到處轉轉，經過一間五星級酒店，酒店內的餐廳係以往不少高官商賈聚腳點，朋友在電梯內赫見一張酒店內日本餐廳的宣傳海報。

呢間餐廳晚餐以貴價出名，食齊咁多款日菜，以往每位580元都食唔到，真係原價每位1600就差唔多，朋友話平到不信，上菜時比宣傳海報相片更靚，一路同朋友食一路仲講笑話可能係睇錯，應該係每位580元呀，啲魚生唔係平價貨，而且份量不少，最後朋友一行三人飽到食唔落面，仲打包咗壽司。

朋友話以往如非公事應酬絕不入此餐廳，依家呢個價，香港食唔到咁好質素的日本餐，自己去玩真係超值，他形容初三晚成間餐廳得三枱人，包房任坐。唔好以為過年靜，呢啲餐廳以往幾年過年都唔會人多，朋友記起十年前，又係初三、四，同一間餐廳，幾位高層領導身邊工作人員就圍埋食過一餐勁，連開咗幾多酒都數唔清添。

同侍應傾開，唔止過年靜，連平日都淡靜，近呢一年晚上客人流失好多，過完年仲會有搞晚餐自助，即係變相再低價推優惠。毛拍手都有啲感慨，以往官場吃喝玩樂之風可想有幾勁，此一時彼一時啦。

朋友覺得今次北京之行覺得消費模式開始正常，價錢貼近番平民百姓消費的價錢，睇習大大的勢，反腐會堅持落去，高級豪食都係快啲轉型好啦。

毛拍手

** 博客文章文責自負,不代表本公司立場 **

新年未到，內地已出現有習大大反腐打老虎形象的卡通片，在網上傳播，左睇右睇，都似有官方背景噃。

2月17日（年廿九）晚，一個名為“北京朝陽工作室”的賬號率先將3條短片上傳到優酷網。次日，騰訊、愛奇藝、奧一網等網站先後轉發，短片也開始在微博、微信中流傳，南方都市報微信號於18日下午3點48分發布文章。

這個賬號沒有介紹，也未曾發布過其他視頻。那麼群眾路線“三部曲”究竟由誰製作？從片末署名可看到，3個短片均出自“朝陽工作室”，但該工作室在網上難以找到介紹和出處。

南都記者查詢到，“朝陽工作室”7個月前曾用其他帳號發布過一個反駁“唱衰中國論”的動漫短片，此外鮮有作品。繼出品《領導人是怎樣煉成的》的“復興路上工作室”之後，網上又現另一個神秘的工作室。 值得關注的是，人民網、求是理論網等官方網站，以及一些地方政府的官方微博，均轉發了該系列短片。

截至昨日，3個短片在視頻網站上已被播放數万次。 “用詼諧幽默的方式，訴說當今的政治生態”，不少網友為短片“親切的畫風和配音、接地氣的網言網語”點贊。

睇嚟阿爺相關人士，正用新形式在網上宣傳反腐了。