Skip to Content Facebook Feature Image

余安安快閃銅鑼灣慳錢扮靚

娛圈事

余安安快閃銅鑼灣慳錢扮靚
娛圈事

娛圈事

余安安快閃銅鑼灣慳錢扮靚

2020年06月07日 11:10 最後更新:11:41

精打細算!

愛靚嘅余安安,喺店員推介之下,仲買咗啲護髮產品,保養秀髮。東周圖片

愛靚嘅余安安,喺店員推介之下,仲買咗啲護髮產品,保養秀髮。東周圖片

據《東周刊》報道,現年六十歲嘅余安安,早喺七十年代出道,年僅十六、七歲時已經成名,擔正做女主角。o依家「登六」嘅佢,離過兩次婚,同前夫李萬祺生咗兩個女文琪及文騫;而大女仲喺幾年前出嫁,畀佢榮升埋外母。不過,佢嘅外表及心態,同樣保養得宜,keep住年輕。

愛靚嘅余安安,喺店員推介之下,仲買咗啲護髮產品,保養秀髮。東周圖片

愛靚嘅余安安,喺店員推介之下,仲買咗啲護髮產品,保養秀髮。東周圖片

早前下午大概五點,余安安在銅鑼灣渣甸坊一間美髮用品店買嘢。當日,着住白色圖案T恤、牛仔褲嘅佢,打扮入時,跟時下後生女衣着冇咩大分別,完全睇唔出佢已經六十歲。現場所見,佢喺舖內擔天望地,細心研究各款電風筒,又不時問吓店員嘅意見。佢揀足大半個鐘,兼即場試用,測試吓風力;最終,扑槌買咗一支大約二百八十蚊嘅風筒,再選購埋店員推介嘅洗頭水、護髮等嘅產品,買咗一大袋嘢離開。

下午約五點鐘,余安安一個人去到銅鑼灣一間美髮用品店shopping。東周圖片

下午約五點鐘,余安安一個人去到銅鑼灣一間美髮用品店shopping。東周圖片

資料圖片

資料圖片

其實,平常去髮廊整個頭,閒閒哋都幾百蚊落樓;而余安安買個專業風筒,掃埋一堆護髮產品返屋企,實行DIY自己個頭自己set,相信真係慳唔少。睇嚟,佢呢個「靚媽」精打細算,識得用最慳錢嘅方法扮靚噃。

往下看更多文章

古天樂現身演藝人協會30周年表揚前輩 余慕蓮驚爆鯁魚骨入急症

2024年03月07日 20:00 最後更新:00:29

香港演藝人協會今日(3月7日)在會長古天樂、副會長余安安、錢嘉樂及一眾新任理事會成員:張繼聰、周家怡、岑珈其等率領下舉行春茗茶聚,吸引過百會員踴躍出席,羅蘭、余慕蓮、丁羽、馮素波、邵音音、梁葆貞、黃夏蕙、許思敏等現身支持,場面墟冚。

會長古天樂親自率領新一屆理事跟演藝人協會成員拜年。

會長古天樂親自率領新一屆理事跟演藝人協會成員拜年。

理事會新成員年輕化
香港演藝人協會第十六屆理事會換屆大選已於本年初完成,古天樂連任會長,余安安和錢嘉樂連任副會長,亦有不少新面孔登場,當中張繼聰、周家怡分別當選成為新一屆秘書長及司庫,而岑珈其、張敬軒則當選為理事,王梓軒、徐智勇(小肥)、梁棨寧(咸旦)、游學修、雷深如(J.Arie)、趙善恆及鄭文獲邀加入成為特邀理事。多位理事會成員,今日齊齊出席春茗茶,首度與會員聚會,副會長余安安對於理事會成員「年輕化」表示:「好開心,有好多年輕成員參與,因為我哋始終有日會退休,永遠都要有後浪。」

余安安親製蛋糕慶祝香港演藝人協會成立30周年。

余安安親製蛋糕慶祝香港演藝人協會成立30周年。

四位獲頒「傑出演藝大獎」的前輩藝人余金珠、徐廣林、高爾珩及周驄,跟古天樂、余安安和錢嘉樂合照。

四位獲頒「傑出演藝大獎」的前輩藝人余金珠、徐廣林、高爾珩及周驄,跟古天樂、余安安和錢嘉樂合照。

張繼聰出席春茗學嘢
張繼聰、周家怡、岑珈其等幾位新理事成員,異口同聲表示首次出席演藝人協會春茗活動,當中張繼聰表示:「第一次參加,好開心,希望可以跟前輩學多啲嘢,嚟緊慢慢再了解吓,繼續幫前輩會員之餘,又可以為後生會員提供輔助同聯繫,希望將演藝人歸納多啲類別,令演藝界更團結。」而岑珈其就表示希望為演藝人協會多搞聚會:「疫情後,好多活動都停晒,希望可以搞多啲活動,吸納新嘅年輕藝人加入會,等多啲人知道個會。」至於擔任司庫的周家怡,笑言自己計數不精:「搵個最唔叻數學嘅人做司庫,可能信得我過,好彩有會計幫手。希望可以搞多啲活動,令個會普及化,多啲人認識,嚟緊都會有好多School Tour及各種慈善活動。」

張繼聰捐出禮物抽獎。

張繼聰捐出禮物抽獎。

游學修派禮物!

游學修派禮物!

新任理事趙善恆驚喜獲贈壽包預祝生日。

新任理事趙善恆驚喜獲贈壽包預祝生日。

四人獲傑出演藝大獎
席間除了有余安安親製蛋糕慶祝香港演藝人協會成立30周年外,還頒發「傑出演藝大獎」,表揚過去多年來為演藝界付出寶貴青春、貢獻良多的前輩藝人,今年由余金珠、徐廣林、高爾珩、周驄榮膺獎項,會長古天樂更驚喜現身,其中周驄在古天樂手上接過獎座後,中氣十足表示:「多謝大家畀我嘅肯定,我想講良心說話,我唔係為個人得獎而來,我真心欣賞演藝人協會,特別欣賞古天樂先生,我擦鞋擦咗幾十年,我估古天樂先生心裡有個願望,係搞演藝人協會轄下老人院。」對此,古天樂表示好榮幸可以頒發獎項給前輩,大讚每位得獎藝人都實至名歸,但問到他是否如周驄所言有願望搞老人院?古天樂表示:「我都估唔到,因為係非常複雜,我盡力啦。」

會長古天樂大受歡迎。

會長古天樂大受歡迎。

余慕蓮(魚毛)出席春茗時身形仍然偏瘦,且走路時要傭人攙扶。

余慕蓮(魚毛)出席春茗時身形仍然偏瘦,且走路時要傭人攙扶。

她透露身體狀況麻麻,日前食魚不慎鯁骨,要到急症室。

她透露身體狀況麻麻,日前食魚不慎鯁骨,要到急症室。

余慕蓮鯁魚骨入急症
至於2020年患上肺纖維化的余慕蓮(魚毛),出席春茗時精神不俗,但身形仍然偏瘦,且走路時要傭人攙扶,問到魚毛健康狀況?她自言身體狀況麻麻,日前食魚不慎鯁骨,要到急症室,她說:「喺醫院等咗七個半鐘,好多人,最後都係要留院一晚,先攞番條魚骨出嚟,而家我精神OK嘅,但醫生就話我唔可以跌,所以我都唔敢自己出街,一定要有姐姐陪,每朝早七點去公園行,夜晚喺屋企睇兩線劇,睇完就瞓覺;而家開始冇記性,所以都有搵啲朋友打台灣牌,訓練自己。」

春茗大合照夠晒熱鬧!

春茗大合照夠晒熱鬧!

你 或 有 興 趣 的 文 章