夫妻恩愛甜蜜!
在女裝部專攻選購T恤的陳嘉寶,埋頭埋腦 地精挑細選;而老公則亦步亦趨,耐心地任由老婆慢慢揀。東周圖片
現年三十歲的青春人妻陳嘉寶,一七年下嫁初戀的長洲億萬闊少黃頌祈後,誕下女兒黃恩言,現時一歲。夫妻由拍拖至今,到為人父母,一直甜蜜爆燈!
據《東周刊》報道,日前下午,陳嘉寶如女王出巡,到銅鑼灣時代廣場行街買衫,而黃頌祈則做「跟得老公」尾隨左右,侍候老婆盡情選購,買完再付錢找數,兼遞上酒精搓手液給老婆消毒雙手。看來御夫有術的她,將闊少治得貼貼服服,獲他呵護照顧得無微不至,真令人羨慕!
一七年十一月,陳嘉寶下嫁拍拖四年的初戀男友黃頌祈,男方被指家底豐厚,家族擁有億億聲的物業資產。東周圖片
模特兒出身的陳嘉寶,一度加入無綫參演劇集《女人俱樂部》、《殭》、《誇世代》等。一七年,她毅然下嫁拍拖四年的初戀男友黃頌祈,翌年懷孕,並於去年一月,順利誕下可愛B女黃恩言。其實,被指嫁入豪門的她,夫家是長洲名門望族,家族擁有億億聲的物業及生意;而老公本身是金融才俊,又有滑水教練牌,曾經教老婆的好姊妹,如蔡思貝、陳瀅、何雁詩等滑水;婚後,她大可繞埋手做少奶奶。不過,她產後卻極速瘦身,轉型做時裝美容KOL,堅持做事業型女性。
現年三十歲的陳嘉寶,做模特兒出身,因為拍攝邦民日本財務廣告,而為人所認識,更有「邦民女」的稱號。東周圖片
網上圖片
個性獨立「大女人」的陳嘉寶,更將老公治到貼貼服服。婚後,她除不時在社交網放閃,晒夫妻周遊列國旅行,享受二人世界之外,還經常被影到出雙入對,拍拖行街時大耍花槍,恩愛甜蜜如熱戀中的情侶。
吳嘉禧表示:「我係唔post正常相」。
娛樂圈中有很多不同的「閨密團」,陳瀅、賴慰玲、陳嘉寶與前Super Girls成員吳嘉禧(Cheronna)就因拍攝TVB劇集《女人俱樂部》成為好姊妹,其後再加上蔡思貝及何雁詩,六人組成閨密團「SÏXTERS」,以往經常聚會,感情相當好!不過,陳瀅近年經常四圍飛,多次缺席姊妹聚會,在今個農曆新年終於歸隊,合體團拜,但吳嘉禧近日貼出的合照卻嚇親網民。
陳瀅、賴慰玲、陳嘉寶、吳嘉禧、蔡思貝及何雁詩組成閨密團「SÏXTERS」
曾一同為何雁詩經婚擔任姊妹團。
大時大節都會聚會。
但對上一次齊人已是2021年的聖誕節。
陳瀅近年經常四圍飛,所以多次缺席姊妹聚會。
去年農曆新年六缺一。
吳嘉禧在IG分享SÏXTERS的姊妹賀年合照,但第一張相就見桃花上掛着六人的「人頭」,賀年照瞬間變成恐怖片畫面,吳嘉熙留言解釋:「實6個一齊影相最麻煩就係要執相,但係呢,你執相中途又要睇下個group會唔會send張update嘅版本出嚟,如果唔係你又要由頭開始,我就係冇中途睇
結果我就執咗幾次,咁啱幾次都係我,仲要張update唔係執個人,係執啲花,吹脹。故事教訓,執相前、中、後都要留意個group,否則前功盡廢,龍年希望大家唔洗成日執相,因為大家會好靚#我係唔post正常相#圖一圖二係我發脾氣之作#圖三係鄭太之作」。
SÏXTERS終於齊人!
有啲恐怖就有啲好笑。
吳嘉禧話呢張係鄭太何雁詩之作。
不少網民看過影片都被吳嘉禧的惡搞之作逗笑,紛紛留:「發脾氣執都咁靚,點㗎啫!新年快樂!開開心心」、「第一張心諗:做咩事棵花咁恐怖,但係cute嘅。like hashtag #我係唔post正常相」、「呢個layout ok!」