Skip to Content Facebook Feature Image

為十月演唱會做好準備 梁漢文操到六嚿腹肌

娛圈事

為十月演唱會做好準備 梁漢文操到六嚿腹肌
娛圈事

娛圈事

為十月演唱會做好準備 梁漢文操到六嚿腹肌

2020年07月01日 12:25 最後更新:12:30

雖然好勁,但都會適可而止!

梁漢文(Edmond)於五月前宣布今年10月將在紅館開show,可能是疫情後第一個紅館開騷的歌手。由於籌備時間不多,連月來Edmond忙於秘密練兵,盡快keep好一副好body,到時有6塊腹肌見人。

資料圖片

資料圖片

今年5月,梁漢文接到公司通知,今年10月紅館開騷。

今年5月,梁漢文接到公司通知,今年10月紅館開騷。

Edmond連續七天食鄭秀文(Sammi)推介的「縮水減肥雜菜湯」,來減去身體多餘的水份,並成功在一周內由155磅減至149.4磅;之後他再用「食肉減肥法」,10日內只能食肉,連蔬菜和生果都不可以碰,盡量吸取蛋白質,經過10日療程結果,他有140.2磅,再按教練指示下操肌,最終好快見到成效。

觀看相關影片按以下畫面:

觀看相關影片按以下畫面:

昨晚(6月20日),Edmond在社交網站發相分享成果,相中未見容貌,僅展示一排濕身「朱古力」、有6塊腹肌的結實靚body,連他都留言說:「經過呢2個月嘅付出,開始見到啲成績,雖然未確定一定開得成,但都會繼續保持樂觀、積極嘅態度去做足準備,迎接不同挑戰...」

 
 
 
 
 
View this post on Instagram
 
 
 
 
 
 
 
 
 
 
 

A post shared by 梁漢文 Edmond Leung (@edmond4gorleung) on

不少網民大讚Edmond「厲害」、「好勁」、「不得了」、「引死人」,不過都有網民要求見樣:「點解唔見樣?」有人又好奇追問:「嗰日至睇片見你食鄭秀文介紹既瘦身湯,咁快就練出成績來,確係勁。」亦有網民溫馨提示要適可而止,不要似上次個唱那樣體型過瘦。

往下看更多文章

攤牌戲拍足幾Take為演出真實感 陳展鵬感激好拍檔吳若希信任

2023年10月31日 12:30 最後更新:15:14

進入結局周的《香港人》劇情越趨緊張,陳展鵬將吳若希嬲到離家出走之後,梁漢文彈琴冧吳若希勁浪漫!

由鍾澍佳總監製、黃國輝監製、陳翹英編審的台慶劇《馬百良安宮牛黃丸呈獻:香港人在北京》,周一至五晚9點半翡翠台播映。進入結局周的《香港人》劇情越趨緊張,30日講到Helen(吳若希Jinny飾)踢爆港仁(陳展鵬飾)隱瞞與蘇菲(蔡潔飾)同遊珠海,Helen嬲爆向港仁興師問罪,港仁解釋隱瞞此事只是擔心她會胡思亂想,Helen聞言再度怒火中燒:「點解我同蘇菲有一個一樣嘅手袋,就係因為你做錯嘢,就係因為你覺得對我唔住,所以買番個手袋氹我開心!」、「如果我唔係搵人查你,我一世都唔會知!」港仁反斥Helen暗中調查他,拋下一句:「我哋兩夫妻,搞到你查我我查你,咁就叫做信?」最終Helen嬲爆離家出走,兩夫妻關係陷入冰點!

Jinny嬲到離家出走,展鵬最終點樣氹番個老婆呢?

Jinny嬲到離家出走,展鵬最終點樣氹番個老婆呢?

展鵬與Jinny於這場攤牌戲演繹到位,兩人你一言我一語谷到眼紅紅,Jinny的落淚表情更是令人心噏,戲味十足!展鵬受訪時坦言這場攤牌戲拍了幾個Take:「我希望盡量搵到個好節奏,演到嗰種真實感。畢竟我哋都結咗婚係過來人,現實中喺屋企少不免都有啲嘈吵同磨擦,有時都會傷到個心,更何況我同Jinny喺套劇中有第三者介入,係件好嚴重嘅事,希望呢場戲演到嗰種真實感。」提到不少網友大讚他與Jinny火花十足,展鵬說:「我對Jinny嘅評價都好高分,平時我好少同對手講應該要點演,我覺得真正嘅好拍檔要因應住大家嘅感覺去合作,亦都好多謝Jinny咁信任我,如果佢唔信任我,出到嚟嘅CP感唔會咁強。」講到Jinny於《香港人》的演出獲讚有驚喜,展鵬說:「作為佢嘅拍檔當然為佢感到開心,證明我同佢嘅互動好有火花!之前同過唔少女演員合作,但同Jinny合作係有啲唔同,始終佢演戲經驗比較新,但佢對角色拿捏得恰到好處,演出笑中有淚嘅感覺。」

展鵬同Jinny呢場攤牌戲勁有戲味。

展鵬同Jinny呢場攤牌戲勁有戲味。

展鵬同Jinny谷到眼紅紅。

展鵬同Jinny谷到眼紅紅。

展鵬同Jinny谷到眼紅紅。

展鵬同Jinny谷到眼紅紅。

Jinny嘅喊樣睇到人心都噏埋!

Jinny嘅喊樣睇到人心都噏埋!

梁漢文彈琴冧吳若希勁浪漫

另邊廂,離家出走的Helen陰差陽錯下搬到張帥(梁漢文Edmond飾)家中「同居」,Helen遂發現張帥家中有一間神秘的房間,好奇張帥是否如電影《格雷的五十道色戒》的男主角一樣置有「玩具房」!但原來該神秘房間並非「玩具房」,只是張帥擺放鋼琴的房間,他向Helen躺開心扉透露自己是單親家庭長大,其中一部鋼琴是獨力湊大他的媽媽所贈送,惟五年前媽媽過世,之後他便失去寫歌的靈感,最終在Helen的鼓勵下,張帥學會釋懷並為Helen演湊鋼琴,場面浪漫。對於這場彈琴戲,Edmond在花絮片中透露是他最印象深刻的一場,他說:「我好重視呢場戲,因為我知道呢個劇情對部劇好重要,喺講晒自己嘅心底話之後,再要打開鋼琴去彈琴,係我好深感受嘅一場戲。」

另邊廂,梁漢文帶Jinny去拍拖搵番戀愛嘅感覺。

另邊廂,梁漢文帶Jinny去拍拖搵番戀愛嘅感覺。

兩人陰差陽錯下畀手扣鎖住,場面搞笑。

兩人陰差陽錯下畀手扣鎖住,場面搞笑。

之後會玩埋「同居」添!

之後會玩埋「同居」添!

梁漢文向Jinny坦白自己嘅身世。

梁漢文向Jinny坦白自己嘅身世。

梁漢文彈琴冧Jinny,場面好浪漫!

梁漢文彈琴冧Jinny,場面好浪漫!

你 或 有 興 趣 的 文 章