安全第一
新冠肺炎爆發第三波嚴峻，病毒更殺入電視城，本月8日娛樂新聞台一名導演確診並入院治療，其同住的三名家人亦告感染，而他潛伏期內有返過公司工作，TVB娛樂新聞台嘅台前幕後人員人人自危。
資料圖片
身為娛樂新聞台主播之一的周奕瑋(Jarvis)為咗安全起見都有去做檢測，噚日收到陰性報告後即時在網上報喜說：「跟各位報告一下，陰性！昨天收到娛樂新聞台導演確診的消息，由於我跟他在同一天工作，雖然沒有接觸，但安全起見公司也安排了我和其他幕前幕後同事進行病毒檢測。剛剛收到檢測報告是陰性，而其他檢測的同事也全屬陰性，總算放下心頭大石，不過為安全起見我也會自我隔離，希望導演和家人早日康復。這段時間謝謝各位朋友傳訊息關心我，也希望大家繼續小心防疫，戴好啲個口罩洗多啲手。#好啦我可以放心食飯喇#好啦我可以放心打機喇#好啦我可以放心溫書喇 #其實我仲有好多乜文乜文功課未做#不過算啦今晚只係想瞓返一覺好#壓力山大#呢張係舊相#檢測完我已經困埋自己冇出街#各位真係要戴好啲口罩小心洗手同埋消毒。」
周奕瑋收到陰性報告後放下心頭大石。
除咗做娛樂新聞台主播外，他的旅遊節目《周遊東京》相當受歡迎。
唔少網民留言叫他take care及保重，亦有溫馨提示，提示他只檢測一次未必作準，並叮囑他留意呢14日身體變化，可有屙嘔及發燒。與其匿喺屋企，粉絲叫他多啲開Live。
周奕瑋亦與其他同事齊齊主持旅遊節目。(資料圖片)
而昨晚TVB發聲明表示47名員工檢測結果全屬陰性：「因應娛樂新聞台導演確診一事，無綫電視今天安排了四十七名和他可能有接觸的職藝員同事接受新冠病毒測試，結果全屬陰性。公司在這兩天已將確診者或疑似緊密接觸者曾接觸到的地方，包括娛樂新聞台工作間及錄影廠等進行消毒清潔。」
三人首度合作外，亦是三人首度體驗包機外遊滋味。
全新綜藝節目《渣打優先理財特約： Grand 住去台北》，由4月6日開始，逢周六晚九點翡翠台播映，節目由拍攝旅遊節目經驗豐富的黃翠如及周奕瑋（Jarvis），夥拍名嘴兼「綜藝大腦」C君齊齊擔任主持，以「相愛相殺」的搞笑互寸方式，帶領觀眾體驗香港人最愛旅遊熱點之一的台北的不一樣豪華體驗，是次除了是三人首度合作外，亦是三人首度體驗包機外遊滋味。
呢個組合其實係一個嬲字。
睇嚟玩得好開心喎。
睇嚟玩得好開心喎。
親嚐1萬新台幣一碗牛肉麵
節目雖然只有兩集，但內容卻相當豐富，其中四大超豪華體驗推介包括：全球最貴價值1萬新台幣（約2,550港幣）的牛肉麵、有五星級酒店服務包底的星級Glamping體驗、到連續六年獲得台灣米芝蓮一星的餐廳、品嚐由港人總廚主理的「總廚人生料理」、以及到舒淇渡假時指定的溫泉套房Room Tour。除了超豪體驗，三位主持還會走訪台北現時最新最Hit打卡及玩樂熱點。
好期待牛肉麵嘅食評。
Jarvis人肉資料庫擔當
三位主持在節目肩負不同重任，作為後輩兼出名記性好的Jarvis，獲安排背誦節目中所有重要資料，只要是涉及資訊的部分都必定有Jarvis份；而C君除了主持，在拍攝過程中還擔任隨團攝影師，除了見到漂亮及有特色的地方或建設會馬上舉機，更為翠如拍下不少美照。C君笑言之所以培養出愛攝影嗜好，全因陪女士Shopping陪得太多，他笑言：「陪女士行商場經驗我好豐富，呢個亦都令我間接喜歡咗攝影，當佢哋唔知行幾耐時，你就可以影吓商場，又可以影吓唔同擺設，歎下咖啡咁，女士有女士行街時間，我自己又有自己攝影時間。」
不過估唔到佢之所以培養到攝影興趣，係因為陪女人Shopping陪得太多，咁暖男嘅？！
另在製作組公開的首輪宣傳照中，翠如與C君竟驚現床照，不過卻美感不足、爆笑有餘，其中一張C君更舉起腳皮挨近翠如的臉，認真跩跩！
呢兩張床照係咩玩法。
翠如今次順便影咗好多靚相，唔知有幾多張係出自C君嘅手筆呢？
翠如今次順便影咗好多靚相，唔知有幾多張係出自C君嘅手筆呢？
三人仲拜會咗呢位港人總廚打理嘅台北米芝蓮一星餐廳。
仲會帶大家睇吓舒淇指定嘅溫泉套房到底點嘅樣。
仲有五星級酒店服務包底嘅星級Glamping體驗。
