港媽分享醫院送贈初生bb冷帽照 保存兩年仍新淨

小冷帽是BB第一份禮物。

不少公立醫院都會為初生BB贈送「小冷帽」，同時是BB第一份禮物，對不少媽媽來說都充滿回憶。最近有媽媽在討論區上載初生嬰兒冷帽照，表示自己保存了兩年仍很新淨，還問其他媽媽「仲有無keep住呢頂冷帽呀？」結果網民一呼百應，紛紛上載當年小朋友的冷帽照。

港媽分享醫院贈送初生bb冷帽照。受訪者提供

這名港媽在Facebook討論區「巴打絲打『13親子育兒』Facebook Club」上載一張由塑膠公仔戴著「初生嬰兒小冷帽」的照片，冷帽上寫著「Baby TMH」，相信是屯門醫院出世的BB。港媽問網民還有沒有保存小冷帽，又表示自己「keep咗兩年仲好新淨」。

不少網民都響應號呼，上載當年BB戴上的「小冷帽」照片。同樣是屯門醫院BB，另一名港媽表示當年有拿冷帽回家，但已經不知道放了在哪裏，「話說生完個大頭仔，依頂帽勁緊，我見其他B戴都有鬆」；另一名媽媽表示自己早幾日才拿過出來，不過當年的「小冷帽」只能借位放在今日這個小男孩頭上。

不過似乎不是每間醫院都有贈送「初生嬰兒小冷帽」，有媽媽表示囡囡在廣華醫院出世，但囡囡就沒有戴過「小冷帽」。

有媽媽不知道「小冷帽」可以拿走，「嗰陣以為係醫院嘅野冇拎走」，也有媽媽表示「我開頭都無拎㗎，係姑娘話送俾阿b我先知。」、「走果陣唔知可以拎，姑娘仲提我帶走。」

「Oh爸媽」授權轉載

近日，一名移居英國的香港男子在社交平台發文，大吐苦水，批評部分同為移英的「手足」即使只是從事倉務工作，也熱衷於互相投訴、勾心鬥角，帖文隨即引發熱議。

AI生成圖片

港男：打份倉工都要勾心鬥角

該名港男在帖文中以「唔好意思呀，借個位發洩下。真係不吐不快」開首，直言不明白為何「香港人打份倉工都要玩互相投訴」。他感嘆道：「人哋個個國家啲人都好團結，係唯獨是香港人咁鍾意玩勾心鬥角。」

樓主無奈表示，倉務工作薪金微薄，只是為了過生活，「投訴咗又無錢分」。他質疑，大家歷盡辛苦移居英國生活，而這個國家也並非事事完美，為何上班時還要搞小動作，把事情複雜化。

AP資料圖片

網民熱議：認同現象籲遠離同鄉

帖文引來大批網民回應，不少人表示深有同感。有留言指：「絕對認同，仲要亂搞婚外情，個個忘記初衷」、「香港人嘛，就係咁！睇開啲啦，嚟到英國就遠離香港人啦」。亦有網民分析，可能是因為移英港人多屬中產，「以前喺香港玩慣辦公室政治勾心鬥角」，並指這種風氣已從「辦公室政治延伸到倉庫政治」。

其他批評聲音包括：「太多X街啦，有啲仲攪（搞）埋人哋老公、老婆」、「住在英國（嘅）香港人就係咁㗎啦，自己人打自己人，見到外國人就死曬狗，又喜歡玩杯葛（Boycott）自己人，乜嘢都爭，乜嘢都搶，又貪心，又假，真係要遠離D香港人」。

示意圖

網友質疑：倉務工友或因缺乏競爭力？

不過，亦有網民提出不同看法，直言：「得罪講句，有料都唔駛（使）做倉啦，都係出面揾唔到工先喺倉度長做⋯，咁無料嘅人最驚咩？就係驚人叻過佢，搶咗佢（嘅）地位。」對此，發文的樓主則回應稱，在英國要找回本行工作並不容易，連本地人也可能要做倉務，「又唔係個個都無料嘅。」

英國白金漢宮。AP資料圖片