社會事
網民指，「即拖！」
香港的違例泊車問題嚴重，有網民在「突發事故報料區」Facebook群組上載一張照片指有人柴灣利眾街違泊，不過涉事的車輛竟然是一輛幼兒玩具車。
玩具車經常在柴灣出沒。網民Leung Tsz Man圖片
網民Kei Kei Leung上載圖片，見到一輛粉藍色車頂、粉紅色車身的玩具車，停泊在馬路上。有人打趣說「架車好精神眼仔碌碌」、「行車證咩都無，即拖！」、「好搞笑，無人拖走佢」、「放架私家車$320，放呢架$1500，亂拋垃圾」。也有網民紛紛上載自家同一型號的玩具車。
網民展示同一型號的玩具車。網民Panda Yeung圖片
玩具車懷疑被人用作霸位。網民Kei Kei Leung圖片
不過也有網民拆解疑團，「日日都喺度嫁」、「日日都係咁，仲有架警車架，係嗰間好無禮貌嘅五金舖放黎俾自己架寶馬泊」 、「用呢架車霸位好過人肉霸位啦嘛」。
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
