周星馳否認與于文鳳達成口頭商業協議答應分享一成投資佣金
周星馳否認02年與于文鳳達成口頭商業協議，分享一成投資佣金給她。袁國強資深大律師盤問周星馳，提出07年于文鳳獲周星馳胞姐周文姫轉帳逾7萬元，作為投資股票成功的報酬，周星馳稱忘記詳細情況，但他形容就像「同女朋友賺咗錢，分啲畀佢，好正常 。」
于文鳳、周星馳 (資料圖片)
袁追間：「所以你同意女朋友可以獲分自己投資利潤，包括物業和股票投資？」周星馳回應： 「基本上係」。
周星馳昨日全身包密上庭。
根據07年于文鳳向一職員Brenda Cheung 張令妹(音譯)撰寫的電郵，內容于文鳳要求周星馳支付京威大廈投資佣金一成，而當時京威大廈尚未賣出，故採納當時周市價3750萬元計算一成佣金。于文鳳終收到佣金，而周文姫對此交易記憶猶新，因為這是唯一一次于文鳳在物業未售出前已索取金錢。
于文鳳、周星馳 (資料圖片)
周星馳 (資料圖片)
周星馳解釋：「我大概記得係咁，但細節上係模糊嘅。我依家睇返，當係你女朋友等錢洗，畀住佢先囉。」他強調：「我唔係個記性好好嘅人。」袁追間：「如果你女朋友等錢洗，你好自然會問因由？」周回應：「可能當時有問，但唔記得左」。
