上司收辭職信後無通知人事部 打工仔險要賠錢走人

辭職都有大學問~

資料圖片

不少人離職都希望好來好去，以免再見面會感尷尬，但原來辭職都係一個好大的學問。近日有網民表示，自己搵到新工後同上司辭職，但上司竟然忘記，將封信擺埋一邊，令事主差點就要賠錢才可以走人，更因此與上司「面阻阻」。

辭職最好一封信給上司，一封信畀人事部，以免日後發生同類事件。資料圖片

該名事主於Facebook專頁「辦公室日報」投稿，稱自己找到一份新工作，人工及福利都比現有的工作好，於是計好日期向上司遞辭職信，當時上司亦有挽留他，並指會幫他爭取下年加人工，但網民最終仍拒絕上司好意。直到Lastday前幾日，該網民打算請部門的同事食飯作答謝，上司竟然問網民「今日last day喇咩？我記得冇咁快㗎喎！」，指事主無提醒他，辭職信亦無交上人事部。人事部亦稱無收過辭職信，如果要準時星期五離職，就要賠錢走人。

資料圖片

上司指雖然收過信，卻不斷質疑事主遞信的日期，要他做多兩個星期才可以走人。好彩後來人事部表示可以請上司拎返封信，如果日期係計好Lastday一個月前就無問題。後來網民返新工後，人事部後來提醒他，辭職最好一封信給上司，一封信給人事部，以免日後發生同類事件。

資料圖片

網民看到帖子後紛紛留言，指白紙黑字好重要，「出嚟做野學嘅第一樣野就係乜都有black and white 留底，乜事都send email 就冇死㗎喇」，亦有不少人大呻遇過同樣經歷，「呢啲事真係成日發生，啲manager唔想個同事走，掉咗/delete email當冇收過」。

電影《La La Land 樂來越愛你》被不少人奉為無可取代的愛情經典， 2016 年上映時引起了極大的迴響，電影不只締造驚人的票房，更在第 89 屆奧斯卡上橫掃六項大獎。而近日，一對情侶被網友捕捉到在中環終審法院大樓外隨著現場音樂浪漫起舞，讓網友直呼場面猶如「港版La La Land」

threads影片截圖

最近有網民在Threads分享一段影片，一對穿正裝的情侶在皇后像廣場東側的終審法院外，隨住現場音樂翩翩起舞。當時大樓外牆剛好有聖誕燈飾投影，背景音樂襯托下，兩人完全沉浸在二人世界中，甜蜜到爆！

threads影片截圖

threads影片截圖

threads影片截圖

剛好拍下影片的事主指場面猶如「港版La La Land」：「香港人下班後的娛樂，喺中環見到呢對情侶好sweet，經過都被閃盲！」，而事主更向神通廣大的網民求助：「有冇辦法幫我搵返當事人出嚟，想send返條片畀佢哋做紀錄，20年後睇返一定好開心。」真係好有愛！

網上圖片

這段甜蜜影片曝光後掀起大批網民討論，不少人都大讚情侶夠膽做自己，浪漫滿分：「香港好少見到呢啲畫面，要唔理旁人嘅目光都唔易」、「香港人就係需要咁樣放鬆下，唔理人點睇做自己」