MIRROR恨攞獎想開Show 話《造星III》賽制好殘忍

MIRROR話好彩唔係今年參加

人氣男團MIRROR這麼快出道兩周年，更推出新歌兼同名唱片《One and All》慶祝。論人氣MIRROR向來好勁，單飛的姜濤和Ian更雙雙入圍叱咜「我最喜愛男歌手」最後五強，他們對年底頒獎禮都好有期待，10子接受專訪，Jeremy更開到口話恨攞組合獎。受疫情影響，MIRROR第二個演唱會拖足成年都搞不成，他們同《頭條新聞》講，都想快點現場表演給歌迷看，更焗阿Jer即場大晒搞笑舞姿。講到最近熱播的《全民造星III》，他們一樣看到好肉緊，認為今年賽制更加殘忍，Edan笑言：「好彩自己唔使玩呢一季咋！」

阿Jer所謂跳舞，其實同擺甫士是沒有分別的。

上月MIRROR正式出道兩年，隊長Lokman話要出新歌《One and All》賀吓，「生日嘛！梗係搵啲嘢搞吓，新歌點解講兄弟情呢個topic，係因為（疫情）耐冇見，試吓用呢隻歌集合吓大家嘅能量，個MV亦都係特登咁樣設計，想記得返大家之前嗰度力，同埋團結一心，呢首歌就係集合返大家嘅團結。」

阿Jer完成跳舞Solo，隊友們勁興奮。

製作新歌期間，隊員姜濤、Anson Lo和Stanley正在台灣拍劇，唯有越洋錄音，Anson Lo和Stanley認為過程分別不大，因監製Edward Chan花了不少心機跟他們溝通。此時Anson Lo對Stanley話，「你晚晚都唱歌。（Stanley：你都係！）」記者追問唱咩歌時，Anson Lo忽然變怕羞醜仔避答，Stanley即解釋：「因為我哋想唱歌唱得好啲、進步啲，每晚會互相唱3首歌俾對方聽，係練習嚟嘅。」被認為唱功不夠好的兩人，私底下有努力下苦功，幾抵讚！

記者要求阿Jer跳舞Solo，他即扭計縮沙。

講到生日願望及目標，隊長Lokman坦承有兩個目標好想實現，「最希望我哋album可以大賣啦！推到我哋去做金唱片，呢個係第一個目標；第二個目標係下年如果疫情好返啲，我哋可以開演唱會，做個live嘅演唱會畀大家睇，因為大家都真係技癢㗎！大家都身痕，好想表演，好想見吓啲fans，大家可以有多啲交流最希望就係呢兩樣。」頒獎禮舉行在即，Jeremy就話：「我希望下年呢個團隊可以攞到獎，今年下年都好，希望可以有個獎去鼓勵吓大家，我哋做緊嘅嘢係得到大家嘅支持。（攞咩獎？）組合獎啦！其實咩獎都好啦！」

MIRROR當年都是透過《全民造星》出道。

到阿Jer講時，平日在隊中跳舞不算標青的他竟然話：「我想快啲跳舞喎！」這句一出，全場即起哄，記者話給1分鐘阿Jer跳舞Solo，他即縮沙，「骨頭硬，真係跳唔到！」Edan忍不住，「真係幫你唔到！」大家再次鼓掌焗阿Jer跳舞，花姐見場面失控即主持公道話：「Jer起身跳啦！」阿Jer在AK和Alton教路後，起身以似擺甫士多過跳舞搞笑舞姿找數，全場笑爆！事後副隊長AK幫手解畫：「MJ有個好經典嘅動作，就係企嗰個台乜都唔郁，你（阿Jer）郁幾吓已經好有型啦！」Stanley亦幫拖，「因為跳舞叻嘅人，唔係動作係氣勢，佢做到晒出嚟！」阿Jer再解釋因為早前上節目發現跳舞生疏了，想多點跳舞練習。

今年《全民造星III》，因賽制不同引起熱議。

Edan直言今年賽制，比之前更加殘忍。

Anson Lo畀Stanley踢爆秘密練兵勁怕醜。

繼今年Anson Lo、阿Jer和AK單飛後，MIRROR預告明年再有成員單飛。

訪問當日，姜濤仍身在台灣，Ian則忙拍劇，只得MIRROR 10子包括（前左起）Jeremy、Edan阿Jer、Anson Lo、Stanley，（後左起）Alton、Frankie、Tiger、Lokman和AK現身。

講到最近熱播的《全民造星III》，他們大讚參賽者表現出色，Alton說：「我好respect佢哋一樣嘢，佢哋參加呢個節目係孭多一個包袱，我哋參加《造星》時冇嘢輸，但佢哋企喺呢個舞台嘅時候仲要話俾人知，我哋已經出道咗幾耐，但係可能都冇人識或者去唔到自己心入邊想嗰個位置，節目有一句話係好恐怖『呢一行係摧殘好多人嘅夢想，因為話畀你聽唔得，呢件事殘酷得嚟如果可以成功嘅話，就真係好珍貴啦！』睇到佢哋令我更加珍惜而家擁有緊嘅嘢。」Edan再說：「我哋好好彩玩《造星I》，我哋冇公司嘅，如果睇咗兩年先去參加，今年就冇得參加啦！」其他人即笑指，「唔使㗎！有工作室就得㗎啦！哈哈！」他們又評今年賽制，Edan笑說：「今年賽制好殘忍，好彩自己唔使玩呢一季咋！」Frankie還說好多表演上兩季都做過，今年再度表演加倍困難。

MIRROR成員江𤒹生（Anson Kong）3月31日驚喜現身尖沙咀鐘樓，為新歌《攬緊處理》進行快閃宣傳活動，向途人大派飛機欖，吸引大批「生粉」（粉絲暱稱）到場支持，場面熱鬧。雖然派發時間僅15分鐘，已引來大量途人圍觀，氣氛熾熱。

江爗生（Anson Kong）日前快閃尖沙咀。

宣傳新歌《攬緊處理》 。

這次快閃活動別具心思，AK與團隊特意選用飛機欖作為禮物，取其「欖」字諧音，呼應新歌《攬緊處理》的主題。被問到兒時有否品嚐過這款懷舊小食，AK笑言：「我冇食過，細個都冇見過，因為我咁後生。」再次鬼馬回應隊友Tiger提及的MIRROR 「30歲顧慮」言論。

AK大派飛機欖。

被「生粉」挑機叫叔叔。

活動期間，一名18歲「生粉」大膽向AK挑機，取過飛機欖後，說：「多謝AK叔叔」，令AK即時拿出手機回應：「邊個叫叔叔？睇學生證！」得知對方真是18歲後道：「你贏！」場面搞笑。事後問到AK會否接受被叫叔叔，AK故作認真地回應：「俾人嗌叔叔我覺得幾多歲都唔接受，大家叫返我 Anson Kong，或者叫返我做𡃁仔都冇所謂。」回應貫徹AK的霸氣與親和力。

AK幽默回應：「叫𡃁仔！」

場面熱鬧。

相隔多年再次舉辦快閃活動，AK相當享受，好像即場與「生粉」互動，回答新歌與MV的幕後花絮，不少「生粉」更關心AK是否已出糧給MV中出鏡的愛犬「猜柴」。AK笑說：「快閃好耐冇做過，好好玩，希望遲啲有機會再做多啲，因為快閃可以親近啲大家，雖然每次時間都好短。」他又預告，身上印有「做乜攬」、背面為「攬緊處理」的洗水T恤，將推出相關挑戰活動，呼籲粉絲留意其社交平台，緊貼最新動向。