Band1 Band3咩分別？女學生分享轉Band心路歷程引熱議

啱自己的就係最好！

要問Band1同Band3究竟有咩分別，多數人都會同你講「級別都唔同喔」、「Band1實好過Band3啦！」，不過日前有位從Band1中學轉到Band3學校的女同學在網上分享自己的親身經歷，並表示親自體驗過後，覺得其實Band3學校並非傳言中那麼差，而且讀書始終都是靠自己的！

FB圖片

該匿名女中學生通過Facebook專頁「名校 Secrets」分享自己的親身經歷，指自己曾就讀一間位於油尖旺的Band1中學兩年，卻因為壓力太大而轉校。

（非當事人）Getty示意圖片

她坦言：「當時因為受唔住壓力轉校，記得嗰時全級名次跌一兩名已經好大壓力，每晚都訓得唔好，每日放學後就係補課，我本身唔係志在做醫生、律師，想畢業之後做設計，所以同老豆老母傾過之後俾我轉校，佢哋得我一粒女，都唔想壓力太大搞到有咩病。」

Getty示意圖片

在父母的同意下她轉入一間Band3學校，轉校之後才發現原來Band3根本沒有坊間傳言中那麼差，更認為「入面啲老師其實好用心教，見你有心求學已經如獲至寶咁，夜晚任何時候都會覆你問題。」她也對比以前的Band1學校的老師都很功利，只會將時間花在成績好的學生身上，又或者用很多時間帶課外活動，放學也早過學生走。

Getty示意圖片

不過她也承認，和Band1學校相比，Band3學校的學習氣氛沒有那麼好以及同班同學比較魚龍混雜。但她直言「其實最主要都係睇你有無自己努力，根基打得好唔好，好嘅話去到邊都會好。其實考唔考到高分最後都係睇自己，如果你係咁操paper我就唔信會低分，但有冇咁既恆心又係另一件事。」最後則表示轉校之後，自己返學開心，也多了空間，沒有以前那麼大壓力了！

Getty示意圖片

貼文吸引不少網民點讚、留言，不少人讚賞她的態度「加油 心態好好」、「很欣賞你的態度，要加油」，亦有不少學生表示有同感「中六七轉左去第二間讀，的確老師用心教好多。好多時band1係學生聰明+勤力」、「根本名校主要只力捧既學生只係5** 果堆，其他自生自滅， 差學校都有好老師架」。

大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。

（FB圖片）

大埔林村河出現「神秘圓圈群」

有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。

（FB圖片）

網民笑言：外星人來襲

帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。

（FB圖片）

街坊拆解真相：非洲鯽築巢

有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。

非洲鯽魚又稱福壽魚，非香港本地物種

根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。

(FB專頁「WWF Hong Kong」圖片）

被評為全球100種最具破壞性的「外星魚」之一

在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。

帖文來源：Facebook群組「大埔 TAI PO」、Facebook專頁「WWF Hong Kong」