Candice：再見琴婆婆。
李香琴昨晚（25日）設靈，不少圈中好友無懼疫情到場送別，趙希洛（Candice）亦隨母親梁小玲現身殯儀館。
琴姐尋晚設靈，趙希洛同母親亦有到場。
因為趙母曾是TVB藝員，活躍於70年代，演出過不少劇集，亦是《歡樂今宵》台柱，跟琴姐相當老友，就算舉家移民去澳洲，琴姐之後都有去澳洲探佢。
琴姐打緊麻雀。
因為媽媽關係，Candice自細就識得琴姐，她在社交網站分享幾張童年相，其中一張是琴姐正在為童年嘅佢梳頭，並留言：「再見琴婆婆，我永遠不會忘記你，感謝你在我童年時，一直對我親切嘅愛護。」
View this post on Instagram
另外，由於Candice童年時好鍾意睇古裝片，琴姐仲特登造咗一件古裝童裝戲服，更專誠帶去澳洲送畀佢，趙希洛表示當年好開心，仲好記得要花好多時間穿上，着完又唔捨得除低。「絕對係我最快樂最喜歡的童年回憶之一。」最後，Candice留言，「We will miss you，琴婆婆。」
琴姐送贈的古裝戲服。
