盤古開天辟地以嚟,地球上出現咗兩種人:一種起床會摺被;另一種就好似膠仔我咁,唔摺。反正之後又係會瞓到亂糟糟!近日我仲發現咗一篇研究,進一步證實我呢種人嘅堅持係正確嘅,唔摺被身體會好啲啊。
英國一間大學嘅研究小組最近通過電腦模擬技術,研究室內塵蟎嘅擴散程度,而且特別針對睡床範圍。結果顯示原來蟎蟲喺整潔嘅床舖上更容易繁殖,相對地張床立立亂就會萎縮。
科學家解釋蟎蟲生長需要比較潮濕嘅環境,張床太乾淨的話,空氣所含水氣好容易接觸到床舖,加速蟲蟲生長。反而我哋一起身就離開張床,餘下嘅體溫有助趕走水份;加上床上物品立立亂,或多或少可以阻擋水氣接觸床舖,可惡嘅蟎自然就會瓜老襯。
佢地仲話,其實去除蟎蟲最好嘅方法全盡量保持環境乾燥,潮濕季節就更加要定時定候拎啲被到外邊曬曬太陽。畢竟塵蟎係引發哮喘同埋鼻敏感嘅幕後黑手,膠仔就深受其害好多年啦,鼻哥經常痕到爆;為健康着想,我由今日開始做要多一點點啦。
原文就喺呢度,自己去recap in English啦。
http://www.zmescience.com/other/offbeat-other/clean-bed-mite-14092015/
神州快訊
** 博客文章文責自負,不代表本公司立場 **