狗仔走失咗 睇電視搵返主人

美國密蘇里州堪薩斯城有隻狗仔叫做Tabitha，之前同患有老人癡呆症嘅主人出街散步時走失咗。主人老婆搵返老公，但係隻狗走失咗。

兩夫婦於是貼傳單搵狗，單嘢仲上埋當地電視台，無幾耐就有人聯絡佢哋，話Tabitha暫住喺佢度，人狗團員可喜可賀！

原來狗狗當日走失咗之後，一對夫婦見佢喺街度好可憐，於是帶咗返屋企。就喺電視台播出尋狗新聞時，Tabitha望住螢幕興奮搖尾，兩公婆就知道狗狗認得佢主人啦。

Tabitha返到主人身邊之後，又上多次新聞。

奇趣錄

** 博客文章文責自負,不代表本公司立場 **

重慶市政府為咗推廣當地旅遊，早排請咗幾位靚仔靚女去到一個新開景點跳「高空芭蕾」，宣傳當地係個文化城市，有山有水，仲包容到西方文化。我有啲怕高，俾着我咁樣企喺個透明平台度會腳軟，難為佢地仲可以踮腳跳舞。