理髮神技打火夾即將失傳

去髮廊電髮焗油往往要花費幾百以至上千元，卻不知原來我哋中國早就有類似技藝。為大家介紹四川老伯王維布，理髮資歷長達53年。唔少人都會特登去搵佢Set頭，因為佢有一套特別嘅「燙髮技術」。

佢會燒熱「打火夾」，然後喺客人頭髮度夾夾吓，來回攪動。佢介紹話頭髮夾過後好容易打理，可以三個月都唔亂，夾髮過程完全唔需要使用任何化學劑。片段喺2013年拍攝，當時伯伯已經72歲，想做都唔做得幾耐，加上後繼無人，意味呢項技術即將失傳。

奇趣錄

** 博客文章文責自負,不代表本公司立場 **

澳洲喺綠化保育方面一向做得唔錯，政府城市政策傾向保留一草一木，若然真係需要騰出空地，寧可選擇幫啲樹「搬屋」。以下片段係維多利亞省道路部門2011年發布嘅片段，政府派員聯同當地樹木專家出動，合力用架「搬樹車」連根鏟起成棵樹，運到另一個地方裁種。

為咗搬一棵樹，佢哋動用咗唔少人力物力，又要測量、又要挖地。我自己就覺得係值嘅，話晒一棵樹生長都要十幾年，多啲樹可以令空氣更好，而且景觀又靚啲、心情都好啲。