揭秘紐約捐精房

歐美國家有愈嚟愈多精子銀行出現，專俾健康男士捐出「子孫」造福同性戀、單身女士以及不育夫婦等；有時精子亦會用作醫療研究用途，對人類發展都有一定貢獻。捐精呢家嘢喺香港未算普及，而家先帶大家睇睇美國紐約男士如何捐精。

美國《Vice》撰稿人Zach Schwartz最近寫咗篇文，憶述自己讀大學時去捐精嘅經驗。佢話其實去精子銀行係件好無聊嘅事。男士去到精子銀行，第一件事就係填問卷同埋同幾位女職員面談，了解自己嚟呢度係做緊乜，啲「子孫」有咩用途等。每位「善長」會獲發一支膠管，獨自喺間狹小嘅捐精房中「工作」，提交愈多樣本愈好，整個過程就係咁簡單。捐精房內有個小螢幕，男士們可以喺度睇小電影增加性慾。

簡述完捐獻過程，Schwartz最好奇精子銀行職員挑選色情影片時有咩標準，於是訪問幾間中心嘅負責人，發現規模較小嘅中心挑選鹹片準則就係「無準則、求其揀」。有負責人認同色情物品係捐精房嘅必須品，因為男士們都需要想像空間，不過呢家嘢絕對唔能夠要求職員幫手買，因為咁樣有機會構成職場性騷擾，負責人只好自己嚟。由於佢哋貴人事忙，一般都可以匆匆忙忙咁入少少貨就算，所以小電影嘅質量通常麻麻地。

至於較大型嘅精子銀行就會請班研究員盡量挑選唔同「口味」嘅影片以及書籍，從正路嘢到重口味都有，人類諗得到又拍得出嘅基本上都搵得到，以滿足唔同男士需求。研究員講到明：「我哋要保持班仔嘅興致，又唔可以要佢哋拖得太耐。」

不過無論規模大小，紐約精子銀行全部都面對同一個問題，就係有啲人捐完精後竟然會偷走色情DVD或者鹹書，所以當地已經有中心開始改為播放網上影片啦。

神州快訊

** 博客文章文責自負,不代表本公司立場 **

人類發明廁所之後，生活同馬桶變得緊不可分。隨住智能電話普及，我哋坐喺馬桶上嘅時間亦都無厘頭咁增加咗。科技進步，同時亦令製造馬桶嘅用料同技術不斷改良，較先進嘅工廠已經用到機械臂嚟製造啦。

歐洲瓷器生產商Villeroy & Boch已經有267年歷史，1992年趁住匈牙利經濟欠佳以低價收購咗當地最大嘅陶瓷工場Alföldi Porcelángyár，其中最重要嘅產品就係馬桶。呢個工場日前舉行50周年紀念活動，罕有咁開放俾傳媒參觀。每位新聞工作者都明白馬桶對人類生活有幾重要，所以好多公司都派咗人去參觀。

呢間工廠規模非常大，每日可以生產超過4,000個馬桶，一年就可以生產接近150萬件成品。工廠負責人話，製造一個馬桶要經五個步驟。首先係準備馬桶以及釉料嘅原材料，之後用「高壓鑄造法」製作馬桶嘅基本形狀，烘乾後送去用機械臂上油，最後放入「燒製隧道」以攝氏1,200度烤20個鐘就完成。從準備原材料到完成烤製，製作一個馬桶需時五日。

原材料：

高壓鑄造法：

打磨吓先：

 送去風乾：

噴油：

 送去「燒製隧道」：

 最後好好包裝同收藏：