陳瀅豪言想同古天樂「上床」

新一代宅男女神陳瀅Jeannie樣子甜美又愛笑，憑無線劇《四個女仔三個BAR》成功入屋，但女神卻放棄做別人眼中的乖乖女，反而跑去全裸出書剖心聲，寫真一出即引起哄動，人氣爆升。最近更獲電影導演睇中，力邀她作全裸演出。陳瀅笑說：「係有幾個劇本傾緊，尺度都好大膽。作為新人，任何戲種工作都想試，底線係三點不露，最想可以同古天樂上床！」

陳瀅演戲純自然，憑《四個女仔三個BAR》被高登巴打封為女神，人氣急升

《頭條日報》專訪新一代女神，報道形容「每次跟陳瀅見面，她總會笑不停」，但不說又怎知道她來自破碎家庭？原來陳瀅未出世，爸爸已因腦瘤去世，媽媽對她不聞不問，自小由溫哥華的外婆湊大，Jeannie坦言跟母親關係疏離，反而後父對她視如己出。

有幾分似梁洛施的陳瀅極速彈起，被高登仔封做女神

26歲的陳瀅樣子甜美，上圍驕人，若然她全裸拍戲，相信好有賣點

  

她說：「其實我們很少聯絡，step father對我算係咁，每次我開口要錢他都會俾，好細個就帶我落夜總會見識，教我好多嘢，比如陪坐係咩一回事，吸毒又係點？當然唔會話俾我試吸，只係見到有人吸毒或飲醉酒就叫我睇，要對這些事情有認知。」這種新穎教學在Jeannie眼中好合理，全因他們的關係似朋友多過家人。

自小跟隨後父落夜總會見識的陳瀅笑言，跟後父既是朋友又是她偶像

在無線劇接劇，對非「親生」的陳瀅來說，機會難得，但她卻選擇另拓新路，拍完《潮流教主》即全裸上陣推出圖像文學《半透明的舞孃》剖白心聲，成功K.O.全港宅男，還引來大批導演點名埋位拍三級片。

陳瀅在新書中的全裸展示其圓渾靚股、白滑美肌，令人眼前一亮

她說：「最近都係不停見導演傾劇本，有幾個劇本在手，仍在考慮中，因尺度好大膽，作為新人好多戲種都想試，唯一底線係三點不露，最想可以同古天樂上床！咁講可能好醜怪，但古天樂係我男神，完全具備我想要嘅條件，現有去學武術，細個有學跆拳道，參加比賽獲獎的，可能我比較男仔頭。」

問陳瀅全裸接戲條件，她即說：「想同古天樂上床！」坦率又可愛

陳瀅有幾like古天樂？單憑一句「我想做萬寧隻貓！」就知，唔知古生聽到又點睇

由「本地舞台」主辦、兩大女神陳瀅和蔡潔首個現場演出《Pillow Talk》，將於4月25日晚上8時在澳門銀河GBox舉行。日前兩人接受港台《Made In Hong Kong 李志剛》訪問，分享開騷前的心路歷程。陳瀅坦言從未試過台上現場演出，零舞台經驗令她極度緊張：「今朝我發惡夢，夢到自己揸住枝咪準備出場，竟然入唔到Key！」蔡潔則笑言：「我都係差唔多咁驚，但兩個人一齊做Show好處係有人傍住，至少隔籬有陳瀅喺度。」

陳瀅與蔡潔將於4月25日在澳門舉行首個現場演出《Pillow Talk》。

日前陳瀅與蔡潔接受港台《Made In Hong Kong 李志剛》訪問。

二人分享開騷前的心路歷程。

陳瀅透露，今次演出內容豐富，包含戲劇、唱歌、跳舞及遊戲環節。她與蔡潔同為演員出身，在騷中設計了角色，更笑言Rap和跳舞部分全交給自己，蔡潔負責高音。蔡潔形容今次合作「同拍拖有少少似」：「大家喺同一個Timing有差唔多嘅決定同諗法，先至可以行到落去，呢個係冇得事前夾嘅，好彩有阿瀅喺度。」兩人異口同聲表示，目標是讓觀眾看完大讚「估你哋唔到」，呼籲粉絲屆時入場支持。

陳瀅坦言零舞台經驗，緊張到發惡夢「入唔到Key」。

蔡潔笑言二人合作「同拍拖有少少似」，好彩有對方傍住，目標是讓觀眾看完大讚「估你哋唔到」。