門票喺今日公開發售。
曾經參加《全民造星III》的葉巧琳 (Mischa)將於下月18日在 海洋公園怡慶坊舉行音樂會，開票於今早在網上公開發售 。
葉巧琳表示會好好享受。
今次是Mischa入行9年首次開騷，Mischa的心情相當複雜：「因為有好多嘢想俾大家睇到，包括一啲舞台效果，亦有音樂劇嘅嘢，仲有好多唔同嘅元素，有好多諗法喺個腦度，嚟緊會同製作團隊開會，想盡量喺個演唱會度呈現最多嘢俾觀眾睇。」雖然演唱會的流程未定，但Mischa預告「一定會載歌載舞」，相信足以令歌迷大感期待！
葉巧琳表示會好好享受。
Mischa還笑言除了她本人，她身邊的親友都十分興奮，甚至比她更緊張，開騷消息公佈後，很多親戚朋友都心急撲飛，希望可以在現場欣賞 Mischa 的演出，Mischa表示：「我會當呢個演唱會係唱俾啲真係支持我嘅人去聽，我覺得今次演出同之前嗰啲好唔同，因為今次大家真係買飛入嚟睇。好似我之前睇 Phil (林奕匡)演出咁，我感受到觀眾好期待同好鍾意佢唱歌而去買飛睇，所以我都會落力去享受個show，壓力唔算太大，因為唔會再擔心有人去judge我嘅表現，我會當係一個party咁去同大家一齊玩。」而嘉賓方面，她指一切有待商討。
葉巧琳的親朋好友努力撲飛！
雖然開騷前夕，Mischa參演「風車草劇團」的百老匯音樂劇《孿孿成人禮．Falsettoland》，但她卻無懼工作繁忙，以致無時間彩排，反而視音樂劇是個為靚聲做Gym的地方：「我相信9月中開演唱會嘅時候，聲音會係最佳狀態，因為之前要演音樂劇，一路咁樣鍛煉，好似做Gym咁樣，所以應該會係幾fit嘅！至於身型方面，始終係自己第一次開個人show，我都會為咗演唱會開始操fit自己，希望自己可以瘦多少少，着衫都靚啲！」
葉巧琳將於下月舉行音樂會。
