熊黛林（Lynn）近日被傳將與男友、郭可盈弟弟郭可頌於聖誕節到沖繩秘婚。郭可盈昨晚出席保良局慈善晚宴時，代可頌否認秘婚，但大讚Lynn乖巧、善解人意，更明言Lynn已是他們「家庭一份子」！
保良局主席朱李月華與夫婿朱沃裕等眾多名人及紅星，前晚紛以70年代懷舊裝扮，出席保良局‧福臨門慈善晚宴，各席分別用《七十二家房客》、《半斤八両》及《醉拳》等著名電影片名命名，別出心裁。
郭可盈與老公林文龍昨晚拍拖出席，問到弟弟可頌被傳與女友熊黛林（Lynn）下月聖誕節在沖繩秘婚？可盈代為否認道：「唔係秘婚，一家人計劃左好幾年，好難夾到咁多人一齊去旅行。（可頌快結婚？）唔係......住，如果係大喜日子，Lynn一定會講畀大家知。（滿意準弟婦？）Lynn係好乖巧、善解人意、生活好健康嘅女仔。」可盈又透露，過節及家族飯局都見到Lynn，已當Lynn是「家庭一份子」。
熊黛林（資料圖片）
另外，問到早前小登科的兒子朱俊浩是否已火速「造人」？朱李月華說：「有計劃吧！我有話要三年抱五，但達唔到目標都唔介意。（恨抱孫恨到已準備大屋和BB用品？）冇咁誇張，但見到朋友有得湊孫都好開心。」
