馬德鐘父子檔拍劇 識做唔過問囝囝「分」訊

因疫情與外藉女友分手。

馬德鐘於2018年回巢無綫拍劇集《跳躍生命線》，結果攞埋視帝並簽約邵氏。在無綫新劇《我家無難事》中，馬德鐘放下「男神」形象，破格演賴皮滑稽的「小男人」角色，而該劇另一焦點是馬德鐘與兒子馬在驤首次父子檔上陣，後者飾演爸爸角色年輕版。

馬德鐘與兒子馬在驤接受本網專訪。

首次以父子檔拍劇。

馬德鐘表示在新劇飾演「郭得勤」一角，其性格賴皮又自我中心，周圍搵人著數，前妻細佬個個都畀佢用到盡。他笑說：「一個過氣但仲以為自己好有型嘅model，都幾打破到自己以往畀觀眾嘅形象，唔再有型同英雄，其實佢都係一個幾悲劇嘅人物嚟，一心以為係為咗屋企好，但其實就累咗好多人。佢好想挽回好多嘢，譬如家庭同事業，但頭頭碰著黑，又畀人呃錢，又遇到好多唔好嘅嘢，自己當然亦唔係聰明，又蠢喇，今次個角色幾得意！ 」

馬德鐘於2018年憑《跳躍生命線》首嘗無綫視帝滋味。

在無綫新劇《我家無難事》中飾演過氣男模。

專搵兄弟姊妹著數。

劇中他因生意失敗，竟想出與老婆唐詩詠假離婚。

導巧巧妙借用雪條勾起馬神昔日回憶，令馬在驤在回憶片段中出現，變成兩父子同場做戲。

談到今次首次以父子檔上陣拍劇，他透露是該劇監製王心慰（Amy姐）的提議：「適逢囝囝又喺香港，我就問佢願唔願意去做，佢話佢都想嘗試，跟住就畀咗啲時間劇組，遷就到咪玩吓囉！（有冇去監場？）我冇，因為我拍緊《我家無難事》嘅時候，同期我係拍緊《飛虎之壯志英雄》嘅，所以冇辦法去監場。但我有同佢分析吓劇本同對白，我就話如果係我個角色，我會咁樣講嘅，話返畀佢聽要點去演囉。」問到覺得兒子處男劇表現如何？他說：「我覺得同我比較非常之OK喇，因為我拍咗兩、三年戲都仲係好似戇居居，可能佢爹哋又做呢行，同埋接觸網上嘅嘢又多，唔同我哋當年對呢行完全冇認識。」

馬德鐘1996年的角色，由兒子馬在驤扮演。

對於第一次拍劇，馬在驤好認真，開拍前就練習騎電單車。

《我家無難事》造型照

《我家無難事》造型照

馬在驤表示首次拍劇心情十分緊張，覺得演戲一點也不容易，有很多地方需要改善，亦不介意面對批評。他說：「係一個新嘅經驗，我覺得好好玩，同埋可能感受到爹哋嘅工作，可以睇到佢嘅世界係點。（有冇考慮入行？）爹哋媽咪都有問我，但暫時都答唔到佢哋，幕前幕後都想做吓！（最鍾意爹哋邊套作品？）最深刻係《衝上雲霄》、《爭霸》同《飛虎》，仲有整蛋糕嗰套《情迷黑森林》，我最想演《爭霸》，但古裝啲對白好難講。」

馬德鐘與青梅竹馬的太太張筱蘭，12歲便相識，18歲相戀，25歲結束愛情長跑步入婚姻。

兩人至今結婚28年。

郎才女貌！

馬氏一家三口。

他記得小時候曾跟爸爸出入片場：「佢有時喺廠拍嘢我都會跟去，但係當時就冇咩點睇囉，記得有一次佢拍緊時我仲瞓著咗。」兒子未說完，馬德鐘已經大笑起來，並搶着補充：「我仲記得嗰時點解帶咗佢返嚟，係因為冇人睇住佢，我又要返工，就帶咗佢返廠，我叫佢乖乖哋坐喺到，點知拍完見佢喺張道具沙發到瞓著咗，已經係好耐以前嘅事嘞，嗰陣佢先得5、6歲。」

馬在驤站在父親身旁並不輸蝕，馬神亦覺得兒子擁有獨特魅力。

由細至大，馬德鐘跟兒子如朋友般相處。

問到感情事，馬在驤透露與「美國女飛魚」女友Marissa已成「過去式」，因疫情關係兩人長期分隔兩地，最終選擇了和平分手。他說：「疫情太耐冇見，分咗手冇耐，拍咗都兩年多。（邊個提出分手？）係大家嘅決定！」問到馬德鐘兒子可有向他訴苦？他表示從不過問兒子感情事：「佢有女朋友咩？我冇同佢傾呢啲嘢，佢想share就會同我哋講，我又唔會刻意問佢依家點啫，感情事最緊要佢自己開心，如果相處得唔開心，點繼續相處落去啊？」

23歲的馬在驤讀書和運動同樣出色，加上擁有1.9米的高大身形，被網民封為「馬神2.0」，是條件相當出眾的星二代。

馬在驤透露與外藉女友因敵不過異地戀，分手收場。

馬德鐘、馬在驤

化妝：許智華

髮型：Sue Cheung @ Saloon • Festival Walk

服裝：Theory

27歲TVB小花曾文心（Michelle）鴻運當頭，繼去年台慶在全台藝人投票選舉中成功擊敗40多名同期新演員，獲得「全台力撐潛質女藝人」獎項後，上月台慶她再度成為全場焦點，幸運抽中壓軸大獎價值近34萬的汽車一部。近日，曾文心接受本網專訪笑談當晚的「夢幻時刻」，並分享了在《新聞女王2》等劇集中的成長，又大談來年目標。

曾文心（Michelle）近日接受本網專訪。

去年台慶「值得被看見的凡星」環節中，曾文心獲頒發「全台力撐潛質女藝人」。

今年台慶曾文心再抽中大獎，價值近34萬的汽車一部。

曾文心連續兩年獲幸運之神眷顧。

曾文心笑言媽媽在家中看直播時興奮無比，不停大嗌「『文心、文心』！」

台慶中獎如發夢 家人反應更驚喜
對於在台慶夜抽中汽車大獎，曾文心直言毫無心理準備：「我真係呆咗！因為嗰日係我參加台慶幾年嚟最忙嘅一年，又要跳開場舞，又要表演，好似Barbie咁不停換衫。到抽獎嗰刻，我心諗『等陣又要換衫』，點知就聽到自己個名，成個流程好似發夢一樣！」

由於節目後仍有工作，她未能即時與家人分享喜悅。事後聽婆婆轉述，才知道媽媽在家中看直播時興奮無比：「婆婆話我媽媽喺屋企叫到『好傷心』，好似跑馬拉松嗌口號咁，不停嗌『文心、文心』！雖然我感受唔到現場氣氛，但聽到都覺得好搞笑。」問到媽媽是否比她得獎時更開心，她認為兩者是不同的興奮。

談到這份「突如其來」的大禮，曾文心表示手續仍在處理中：「架車已經可以『摸到』，但簽文件嘅程序同費用方面都仲要搞。」她坦言自己尚未考取車牌，但中大獎正是一個絕佳的「契機」，目前正在積極準備駕照考試。被問到會否特意為新車選擇顏色，她笑言抽獎禮物無法自選，但覺得粉紅色也很漂亮。

曾文心透露學生時代的志願原是成為一名外交官。

但媽媽的一句話點燃了曾文心對演藝行業的決心。

曾文心毅然報考中央戲劇學院。

在激烈的競爭中，她以港澳臺考生第一名的佳績成功入讀。

曾文心小時候被星探發掘做模特兒。

從外交官夢到演藝路 連續兩年獲幸運之神眷顧
回顧入行歷程，曾文心的轉向頗具戲劇性。她透露學生時代的志願原是成為一名外交官，從未想過投身演藝行業。轉捩點發生在中五時，媽媽的一句話點燃了她的興趣：「媽媽突然問我，係咪都想試下考演藝學校？因為細個我好鍾意表演，唱歌、跳舞同模特兒都試過，喺街上仲被星探發掘去影相。」在媽媽的支持下，她毅然報考內地的中央戲劇學院，更在激烈的競爭中，以港澳臺考生第一名的佳績成功入讀。

畢業後，她一心加入從小看到大的TVB，甚至曾參選香港小姐，雖因學業中途退出，但最終通過藝員訓練班正式入行。她的堅持很快迎來回報，去年在頒獎禮上驚喜奪得「全台力撐潛質女藝人」，今年又在台慶抽中大獎。對此，她心懷感恩：「我覺得每一年都有個小驚喜。上年個獎好多前輩同同事投票，好似係同事們嘅愛惜，今年就真係冇諗過會抽到車，好感恩。」

本網記者攝

本網記者攝

本網記者攝

本網記者攝

曾文心於2021年成為第31期TVB藝員訓練班學員，畢業後加入TVB。

去年憑劇集《反黑英雄》中扮演學生妹一角成功跑出。

劇中於殘廁被毒打而在觀眾中留下深刻印象。

曾文心表現受到肯定，得到公司重視。

本網記者攝

劇接劇磨練演技 難忘「Man姐」佘詩曼現場提點
今年，曾文心在《麻雀樂團》和《新聞女王2》中都有亮眼表現，她特別珍惜在《新聞女王2》中與視后佘詩曼的合作機會，更獲得對方親自提點。

她憶述，其中一場關鍵戲需要她的角色「狼狗」將Man姐推下水，從而觸發對方的童年陰影：「睇到劇本壓力好大，因為我做開被打嗰個，做動手嗰個心理負擔重好多。」她坦言當時非常緊張，而佘詩曼察覺後，主動與她閒話家常，讓她放鬆：「Man姐好好，佢會教我，譬如點樣嘅時候個眼神要畀到，咩鏡頭要點樣做，佢畀呢啲貼士我，我就即刻冷靜落嚟，之後就好順利拍完。」

這場充滿張力的戲份最終被收錄在劇集彩蛋中。曾文心感激道，即使對手戲不多，但能在現場近距離觀摩佘詩曼與其他演員對戲，已是寶貴的學習經歷：「原來可以前一秒仲同你講緊嘢，下一秒戲就嚟，好犀利。」

在台慶劇《新聞女王2》，曾文心飾演「唐芷瑤」陳曉華心腹「狼狗」。

主力拍片狙擊「文慧心Man姐」佘詩曼。

奸樣演得入型入格。

曾文心難忘獲佘詩曼現場提點。

曾文心指能在現場近距離觀摩佘詩曼演出，已是寶貴的學習經歷。

新一年目標 挑戰多棲發展
展望2026年，曾文心除了繼續做好體育節目《J Sport》主持的工作，亦希望參與更多綜藝節目，展現自己活躍好動的另一面。劇集方面，她同樣懷抱熱忱，《新聞女王2》與《麻雀樂團》的拍攝體驗後，她正積極等待公司的新劇安排，渴望能迎來新的角色挑戰，在演技上尋求突破。

從小學習多種舞蹈和樂器，被媽媽用心培養的文心，如今已能在舞台上獨當一面。她最感激的，一直是家人無條件的支持。新年將至，她許下一個心願：「下年梗係想拎『飛躍進步女藝員』！」」

本網記者攝

談到新一年目標，曾文心盼挑戰多棲發展 。

曾文心表示希望嘗試不同類型的角色，挑戰自己。

以飛躍進步女藝員為目標。