終於返香港。
陳瀅(Jeannie)回到加拿大探親兼度假,不時都在社交網站上傳她的玩樂照片,更在當地慶祝了自己的32歲生日。早前好友蔡思貝就大爆Jeannie已經回港隔離,所以未能出席鄭俊弘和何雁詩補辦婚宴。昨日(15日)陳瀅就在自己IG上傳了在酒店隔離的照片,可見她大方晒出自己的素顏照,雖然素顏的她黑眼圈比較明顯,但膚質很好幾乎沒有瑕疵。當中Jeannie也上傳了多張估計是酒店送上的花束和手寫卡照片,酒店的景觀也能看到維港景色。另一方面,亦有網民留意到Jeannie的眉毛間有一粒墨,平時化妝後完全沒有發現。不少網民都留言大讚Jeannie素顏都很美,皮膚白裡透紅。
陳瀅樣靚身材好。(陳瀅IG圖片)
早前陳瀅回加拿大探親和度假。(陳瀅IG圖片)
酒店細心準備了花束歡迎陳瀅回港。(陳瀅IG圖片)
酒店仲有海景睇。(陳瀅IG圖片)
素顏都係咁靚。(陳瀅IG圖片)
吳嘉禧表示:「我係唔post正常相」。
娛樂圈中有很多不同的「閨密團」,陳瀅、賴慰玲、陳嘉寶與前Super Girls成員吳嘉禧(Cheronna)就因拍攝TVB劇集《女人俱樂部》成為好姊妹,其後再加上蔡思貝及何雁詩,六人組成閨密團「SÏXTERS」,以往經常聚會,感情相當好!不過,陳瀅近年經常四圍飛,多次缺席姊妹聚會,在今個農曆新年終於歸隊,合體團拜,但吳嘉禧近日貼出的合照卻嚇親網民。
陳瀅、賴慰玲、陳嘉寶、吳嘉禧、蔡思貝及何雁詩組成閨密團「SÏXTERS」
曾一同為何雁詩經婚擔任姊妹團。
大時大節都會聚會。
但對上一次齊人已是2021年的聖誕節。
陳瀅近年經常四圍飛,所以多次缺席姊妹聚會。
去年農曆新年六缺一。
吳嘉禧在IG分享SÏXTERS的姊妹賀年合照,但第一張相就見桃花上掛着六人的「人頭」,賀年照瞬間變成恐怖片畫面,吳嘉熙留言解釋:「實6個一齊影相最麻煩就係要執相,但係呢,你執相中途又要睇下個group會唔會send張update嘅版本出嚟,如果唔係你又要由頭開始,我就係冇中途睇
結果我就執咗幾次,咁啱幾次都係我,仲要張update唔係執個人,係執啲花,吹脹。故事教訓,執相前、中、後都要留意個group,否則前功盡廢,龍年希望大家唔洗成日執相,因為大家會好靚#我係唔post正常相#圖一圖二係我發脾氣之作#圖三係鄭太之作」。
SÏXTERS終於齊人!
有啲恐怖就有啲好笑。
吳嘉禧話呢張係鄭太何雁詩之作。
不少網民看過影片都被吳嘉禧的惡搞之作逗笑,紛紛留:「發脾氣執都咁靚,點㗎啫!新年快樂!開開心心」、「第一張心諗:做咩事棵花咁恐怖,但係cute嘅。like hashtag #我係唔post正常相」、「呢個layout ok!」