金融才俊男友求婚成功 張秀文感謝金牌媒人Bob撮合

恭喜！恭喜！

現年34歲「TVB咪神」張秀文，上月才剛被踢爆與有家底的金融才俊王大權（Billy）拍拖逾一年，昨日（16日）即傳來張秀文已答應男友求婚的消息，而她受訪時亦大方承認，兩人早前更已秘密影結婚相，今日張秀文在IG貼出和Billy的婚照及留言專程多謝撮合兩人的「金牌媒人」林盛斌（Bob）。

TVB咪神張秀文宣告男友求婚成功。

張秀文謂：「2020年的2月14日，還記得我穿著睡衣窩在床上，拿著手機在看youtube，差不多晚上9點的時候，突然阿Bob發訊息來問我在做什麼，沒什麼特別的話就出來參加他的朋友聚會，而這班朋友全部都係靈糧堂的同學仔和家長，另加一位男士，專誠想介紹給我認識。當時我正在看綜藝節目，看到一半有點緊張，時間又有點夜，又無化妝無梳頭，我都真係非常誠實地回覆阿Bob：『我唔想出嚟。』金牌媒人回了我一句：『睇youtube唔會改變你一生，你今晚肯出黎就會改變你一生！』結果，在一班小朋友唱著靈糧堂校歌的歌聲下，我遇見了我的未來老公，我餘生的另一半，謝謝你的出現，謝謝你的愛。特別鳴謝金牌媒人林盛斌先生。」

而Bob則留言：「哈哈！」及幾個哈哈笑的emoji公仔，其實Bob早已為不少圈中人做媒人撮成美事，如朱慧敏和心臟醫生陳良貴，還有堪輿學家陳定幫及其太太，也是由Bob介紹而結成夫婦。

兩人因合作《你估我唔到》而稔熟。

在節目一同扮鬼扮馬。

朱慧敏和醫生老公陳良貴，也是由Bob撮合。

林盛斌（Bob）與太太黃乙頤（Peal）結婚18周年，愛錫太太的他特意在回港後趕去買太太最愛的街頭小食，兩小口簡單地吃宵夜慶祝，幸福滿瀉！

Bob與太太慶祝結婚18周年

一家六口

一家六口

一家六口

Bob與太太結婚18周年

Bob與太太結婚18周年

Bob貼出與太太的合照，並說：「尋日喺檳城返嚟香港，落機之後又去咗做嘢，深夜趕得切12點前買兩盒煎釀三寶加隻炸雞髀，去慶祝我哋結婚18周年，係咪好浪漫呢？ 喂，都大嗱嗱買咗成$80㗎！ 可能比着第二個，應該都係黑晒面㗎啦，但係，佢冇，仲食得好開心。 娶老婆，就係要搵呢啲。」