一年一大閃～
王菀之（Ivana）與老公蘇卓航（Eric So）於2015年結婚，每年11月28日都會Po出同老公Eric So的合照放閃。今日（28日）適逢是Ivana的結婚6周年，她亦如常Po出與老公的合照，相中Ivana戴住口罩，但仍擋不住她露出的甜美笑容加笑眼，望住鏡頭同老公Eric So貼臉自拍，不過男方就好似專登唔望鏡頭。
Ivana更在配文自爆對住老公仍然怕醜，「唔太明何解做咗六年蘇太，對住你都仲係好怕醜。。。等我硏究多一萬年先。」又hashtag「一年一大閃」，真係「閃」煞旁人。
王菀之每年都會PO合照慶祝結婚周年。
網上圖片
而老公Eric So亦有Po出夫妻背影合照，照片中Eric So箍住王菀之的頸，在黃昏下漫步，他的配文都相當浪漫，「早幾年嘅今日之嘛，我一手就箍住呢條友到依家，妳咪走呀！」成功搞到Ivana感動留言：「 嘩，一起身見到！！！我笑到對眼連條缐都冇埋，宜（而）家個人又怕醜又緊張又剩。。。）」。
Eric So段配文搞到Ivana好感動。
唱作才女王菀之（Ivana）宣布，去年入行以「合體」為主題的二十週年紀念演唱會，將搬到澳門上演，去年紅館兩場的演出，口啤極佳，不少歌迷都意尤未盡，覺得兩場實在太少，終於今年想再一次回味這個音樂成宴的歌迷，可以過大海睇啦！Ivana將於3月28日假澳門倫敦人綜藝館舉辦一場「合體」演唱會。
王菀之將於3月28日假澳門倫敦人綜藝館舉辦一場「合體」演唱會。
「合體」對Ivana而言，從與內在自我對話，到與聽眾心靈相通，最終與音樂融為一體。從最初的個人創作，到如今舞台上綻放的光芒，每一步都源於無數次的連結與對話。呢個騷係二十年創作軌跡，一次完整凝聚。澳門會不會有話新歌單？ Ivana表示，「上次好多歌都冇唱，因為根本唱唔晒，二十年咁多歌，點可能係一個騷入面唱得完，今次會更新少少啦，大家都可以係社交媒體留言俾我，想聽咩，我再研究下，點樣塞入去，盡量唱多啲滿足大家！」
影片截圖
影片截圖
這次澳門演唱會將會加入新元素，一定有新歌兼新衫，Ivana回憶上一次在澳門開唱是與張敬軒合作，笑問：「不知澳門歌迷重記唔記得我呢，哈哈！咁雖然冇去開騷，但係過去幾年，我都經常同家人到澳門旅行，因長輩無需搭乘飛機，加上美食眾多、酒店舒適，澳門一直係我哋家庭度假首選。今次重返澳門舞台，我期待與樂迷一齊開心，屋企人當然都會一齊去支持啦。」問到Ivana，今次軒仔會不會做嘉賓？Ivana笑言：「大家估下，佢會唔會囉？哈哈....賣個關子先....」
影片截圖
最近Ivana馬不停蹄，與謝君豪於大陸為舞台劇巡演中，另外亦忙於籌備全新專輯，「對上一張專輯已是八年前，我估大家都已經等左好耐，我自己都非常期待、而且「非常勤力」㗎啦。希望快啲可以做好俾大家聽啦。」
影片截圖
