樂視想在香港上市

樂視在香港大展拳腳，投到未來三年英超的轉播權，嚇咗市場一跳。Sebastian昨日跟老細去樂視觀塘鴻圖道總部參觀，見到佢哋產品之多，真係大開眼界。參觀之前已經睇到佢哋早一日發布消息，宣布搞電動車，與美國電動汽車公司Faraday Future（法拉第未來，簡稱FF）展開戰略合作，FF最新公布一款名為FFZERO1的電動超級概念跑車，流線型車身，仲有成1,000匹馬力，最高時速逾200英里，被外界形容是「Tesla殺手」。

65吋4K電視

去樂視總部當然無汽車睇，但都睇咗好多新產品。例如佢哋65吋4K電視，雖然佢哋最大的128吋電視無在香港展示，但係65吋都相當大。以佢11000元的價錢，包咗16個月的月費(樂視月費99元一個月)，扣埋月費，部機1萬都唔使，睇落相當吸引。目前4K電視節目都唔係太多，但未來到4K浪潮殺到的時候，樂視的電視機都有殺傷力。

3D頭盔，可戴上眼睇戲

佢哋仲展示好多未來在香港推出的產品，除了兩款手機外，仲有好多有趣的產品，例如3D的頭盔，價錢2699，最特別係一部專業的智能爬山單車，叫咗「狂鳥」。未定在香港的開售價錢，在國內定價7000元人仔，仲有更高檔的版本，成部爬山單車非常智能化，除咗炭纖維車架之外，仲有GPS wifi記錄車主的行車紀錄。

智能爬山單車

睇咗樂視咁多產品，最後就同樂視亞太區總裁莫翠天傾咗一陣，樂視在深圳上市，曾經大炒打炒，炒到幾千億市值，依家股價雖然回落咗，但係外界都好關心佢哋會唔會在香港上市。莫翠天就話有興趣在香港上市，佢亦都講到阻礙阿里巴巴不能在香港上市，香港無AB股制的問題，互聯網公司當然都希望分開AB股，讓管理層可以少數人持股，莫翠天話佢哋暫時無呢個問題(即主要股東仍然控制大股)，但佢亦都希望香港有AB股制，科技公司上市不外乎係香港、新加坡、美國的NASDAQ，要睇吓邊個市場提供更好的上市條件。

莫翠天直言有上市集資的需要，因為有資金的需求，佢話：「互聯網公司最需要的就係錢，有錢就可以做多啲投資，例如佢哋希望製作5萬小時的節目。」雖然咁大量的節目，觀眾睇好耐都睇唔晒，但由於觀眾口味不同，製作節目愈多就愈能迎合更多觀眾的需要。

聽完樂視的展示，發覺佢哋係野心好大的企業，佢哋競爭對手，無論係有線電視公司或者係手提電話公司都要小心啦。

Sebastian

** 博客文章文責自負,不代表本公司立場 **

加入警隊「有心不怕遲」，將於今個星期三出版的《警聲》，就分享了一位「港漂」師姐的12年奮鬥路。

現年35歲的王碩生於大連的書香世家，母親和外婆均為老師，而她卻受港產片中警察的正氣形象熏陶，立志到香港成為「新紮師姐」。她十多年前大學畢業後即隻身赴港發展，以「港漂」身分追尋夢想。

受港產片中警察的正氣形象熏陶，王碩立志到香港成為「新紮師姐」。

千里之行始於足下，王碩一步步實現目標。她先於2011年入讀香港理工大學，翌年獲得碩士學位後，在一所小學擔任教學助理。為了符合留港七年才可申請永久性居民身分的條件，多年來她份外努力地工作，爭取學校續約聘用，以通過成為警察的首道門檻。

王碩坦言在香港十多年間，面對的難關多不勝數，包括學好廣東話、適應濕熱天氣、接受與家鄉截然不同的飲食習慣和居住環境等，幸好關關難過關關過。她特別感謝小學同事和學生的幫助，讓其漸漸掌握廣東話的應用，融入香港文化。

王碩於2019年正式成為香港永久性居民。有深近視的她完成矯視手術後，於2022年首次投考警隊，惜未能過關。她一直鼓勵自己「有心不怕遲」，在當輔警的朋友指導下，她積極提升體能及鍛鍊面試技巧。一年後她捲土重來，成功獲得警隊取錄。

經過12年的奮鬥，王碩終於加入警隊。

12年的努力，王碩得償所願，於警察學院畢業後，被派到灣仔警署開展其警務生涯。正所謂「民生無小事」，只要是市民求助，她均全心全意盡力處理，貫徹「心繫社會」的警隊精神。她最記得是處理一宗網上投資騙案，來自江蘇的事主痛失巨款，「錄口供期間，報案人流露尋死念頭，我直接用普通話開解她，大家同聲同氣，成功平復她的情緒，挽救生命的同時，亦問到更多有助破案的線索。」

擁有北方人的熱情性格兼樂於助人的王碩，希望將來有機會向刑事偵緝方面發展。她以個人經歷，鼓勵包括「港漂」等有心人加入警隊，使香港繼續是世界上其中一個最安全及穩定的社會。