為演拳手搏盡狂操 黃子恆：人生從來未感受的狀態

子恆指公司人才輩出，愈來愈後生，他也要保持競爭力。

黃子恆為演活拳手角色操得一身鋼條身形，在擂台上打拳有板有眼。他之前從未接觸過任何武打訓練，膽粗粗受訓時才知不容易，尤其筋骨柔軟度及運動量極高，最初兩分鐘都捱不下跪在地上，不斷加操後才達至效果。

網上圖片

在《拳王》中黃子恆飾演葉迎風角色貼地又隨性，跟以往角色反差很大，演出時毫無包袱，也不用貪靚仔，可以着拖鞋或赤腳在拳館，坦率一面令觀眾受落，出街後獲好評，有助建立更好形象。黃子恆有關注觀眾意見，他坦言：「正、反派角色都做過，今次角色帶到歡樂給人，呼應角色比較隨性，做人都可以咁樣，希望觀眾感受到真實嘅我。」

黃子恒更憑《拳王》殺入最佳男配角五強。

同劇演員許家傑、張振朗、黎耀祥等均爆衫騷肌，為了不遜色人前，黃子恆在飲食方面及運動下苦功，增肌減脂，每日自備五個餐盒，自知不及張振朗刻苦， 「佢哋要求極致啲，控制飲食加重訓，要令身形好slim，我唔夠佢哋澎湃，練帶氧耐力性，大家赤膊出鏡，唔同類型身形帶給觀眾欣賞。」直言由籌備角色到拍劇都好健康，感覺好fresh好靈活，是人生從來未感受的狀態。

網上圖片

網上圖片

黃子恆早年曾因負面新聞跌進低潮，事件沉澱後終獲重生機會，今次角色觀眾受落，他特別珍惜，並說：「每人都會經歷高低起跌，最重要唔好令自己沉下去，我當時選擇睇多啲呢個世界，好多活動可以放鬆自己，啟發新視野。好多謝公司有工作畀我，唔會計較分量，有機會已好開心。」低潮期間運動令黃子恆重拾自信，加上公司人才輩出，愈來愈後生，他也要保持競爭力。

黃子恆曾因負面新聞重挫形象，現在有機會重新嚟過，坦言更加珍惜機會。

過去情路波折重重，至今黃子恆未有拍拖，他坦言有許多事填充了個人生活，感情方面變得不是最重要，對結婚生仔也沒壓力，現階段未能應付一個家庭。被前事影響可有陰影？他淡然說：「唔關事，緣分嚟就擋都擋唔住，依家未出現又冇對象，搵多啲錢先啦。」

明年踏入男人40歲，人生目標變得清晰，他承認過往不夠成熟，未來會做個有承擔的人，不再令屋企人擔心。

由王心慰（Amy姐）監製、翁善瑩編審的《隱門》，逢周一至五晚八點半翡翠台播映。

6月2日晚一集，心月（黃智雯Mandy飾）愛女晴晴突然暈倒送院，獲建議換肝續命，「衰老公」阿Mike（黃子恆飾）因怕死遲遲不肯驗血，與心月為此爭吵不休…幾經糾纏，Mike看似良心發現決定捐肝，卻突然離奇遇溺身亡，並化成「幻影」向心月索命：「係你殺死我架！」自私Mike離奇死亡引發熱議，網民紛紛競猜「誰是真兇」，男主角子喬（陳展鵬飾）、Mandy及葉嘯天（吳岱融飾）均榜上有名。而Mandy6月2日晚面對亡夫屍體及亡夫幻影「夾擊」的殮房場口，由於眼淚及眼神均十分到位，則獲讚「冇得頂」。

一講到換肝，衰老公阿Mike諸多推搪，搞到畀Mandy鬧爆。

Mandy呢幕爆喊戲獲讚好演技，幾個簡單眼神已令觀眾入晒戲。

因為Mike係浸死，所以子恆扮幻影時要Keep住不斷「補水」，而拍嗰陣咁啱係凍天，得10零度左右，所以都幾凍。

子恆的「幻影」造型亦十分搶焦，子恆透露化妝時間不算長，主要是搽白臉、戴綠色隱形眼鏡，及化紅色眼線，並感激劇組細心安排：「之後我都仲會出場，同埋都係Keep住呢個樣，所以要長時間戴住嗰副Con。劇組專登幫我搵咗副質素最好嘅，奇技化妝Con好多時都好硬。」子恆續指拍攝時有Keep住和劇組討論如何將幻影效果拍到最好，最後決定「老是常出現」：「佢會經常喺唔同嘅地方突然出現，都幾纏擾。」

子恆話幻影造型重點係副綠色Con。

嚟緊下星期「幻影」將繼續失驚無神登場，密切留意。

由於劇中角色浸死收場，子恆透露要Keep住整濕身扮幻影：「拍嗰陣天氣都幾凍，我個造型長期都要濕漉漉、滴晒水咁，所以每個Shot都要補啲水，拍嘅時候係凍嘅。」並謂因不想嚇親同事，故化了妝後即使休息時間也不敢四圍走：「唔好嚇親人。」另觀乎無綫官網發放的拍攝花絮，子恆一面認真在綠幕前對著空氣做出連串驚嚇動作，為之後劇情預熱。

展鵬拍動作場面之前，有好乖咁拉筋。

跨完欄即刻跑又係精彩。

好考腰力。

6月2日晚另一重點場口，是飾演陳展鵬為了救Mandy，瘋狂跳欄兼街頭飛奔疾走一幕。根據無綫官網發放花絮片，展鵬一個箭步輕鬆跨過欄杆之餘，更能緊接完美落地做出奔跑動作。完成連串高難度動作的展鵬，最終竟被「開車門」考起，皆因除了要開得有型、還要開得及時，才能與車內的Mandy與吳岱融夾啱Timing。搞笑的是，之前已為傷及對手趙樂賢感到內疚的吳岱融，原來該幕戲又再踢中展鵬，不過觀乎「旁觀者」Mandy笑得咁開心，展鵬應該無穿無爛，純粹搞笑事件一則。

展鵬硬食無情腳。

「天哥」睇playback時，話踩到陳展鵬唔好意思，搞到Mandy忍唔住笑。

陳展鵬中完飛腳中頭獎，陰公。