兩女靚媽蔡少芬去年北上演出真人騷《偶像來了》和《為她而戰》，同上位丈夫張晉齊齊搵錢。日前，Ada孖住好姊妹，朱茵和陳法蓉，連同經理人一行四人在圓方超市出現。Ada密封包到冚，出入要兩女左右攙扶，更刻意以頸巾和手雙重遮肚，孕味甚濃！
日前大約下午5時許，素顏Ada頭架黑超、孖住好姊妹朱茵和女經理人行圓方超市。她們看似在準備研發新菜式，事關她們在超市裡推住車仔去嚴選香料，揀選果醬、有機穀米和有機紅豆等，Ada係咁望住手機左揀揀右揀揀，朱茵就幫忙搵。搵到香料後，Ada就興奮說：「係呀！係呢隻嘞！」其後三女轉戰揀凍肉、雞翼等，到尾段黑超陳法蓉以「真面目」前來會合，埋單走人。
點擊看圖輯
更多相片
買完材料整大餐，四人齊齊Party Time。「四朵金花」轉戰名店，呢排天氣凍，朱茵外套再披羽絨。而本來穿深色厚褸的Ada離遠發現記者，即高度戒備披上頸巾，又拎住袋餸刻意遮肚。同時陳法蓉和女經理人又左右攙扶她，孕味「娘娘」味出哂黎！
入到Burberry，「娘娘」才稍為鬆懈，除褸脫巾輕鬆一下。試完圍巾的朱茵發現記者，禮貌揮手微笑，反而平日nice爆的Ada就全程cool爆黑面，仲背對鏡頭，似有「秘密」。行足大半個鐘，四女無幫襯繞手走人，行去W酒店用餐繼續ladies talk。唔通渴望追仔的張晉已游說高齡愛妻解除「封肚令」，成功追猴B？
