JOOX TOP聽推介全年榜MIRROR成大贏家 得獎歌曲佔一半

Edan成為首位同年勇奪兩個本地歌曲獎項的歌手。

音樂串流平台JOOX於昨晚（19日）公布「2021年度JOOX TOP 聽推介全年榜」，揭曉各項得獎結果，主持人駕着露營車走訪多地，將獎項逐一送到得獎歌手手上。MIRROR成員橫掃多個獎項成大贏家，其歌曲佔10首「年度TOP聽推介本地歌曲」一半席位，當中呂爵安（Edan）憑《E先生連環不幸事件》以及《小諧星》分別奪得第1位和第5位，成為首位同年勇奪兩個本地歌曲獎項的歌手。而第3位則是姜濤的《Dear My Friend,》、第4位是盧瀚霆（Anson Lo）的《不可愛教主》及第6位陳卓賢（Ian）的《DWBF》。

MIRROR在多個樂壇頒獎禮都有好成績。

MIRROR表演時玩好開心喎。

Frankie（前者）喺呢張相中好搶鏡喎。

至於「年度樂迷最愛歌曲獎」，在過去個多星期都由MIRROR成員的歌曲獨佔投票排名榜的首三位，最後由Anson Lo的《Megahit》以超過210萬票奪得。至於今年首次增設的「年度新人」獎，由音樂創作人、音樂監製、雜誌編輯等超過50人的業界評審團評分，最終由Edan獲獎。

Edan除了得新人獎，還奪得兩首歌曲獎。

姜濤憑《Dear My Friend,》得歌曲獎第3位。

Anson Lo的《Megahit》以超過210萬票奪得「歌迷最愛歌曲獎」。

此外，張敬軒亦狀態大勇，一人奪3個獎項，除分別憑《俏郎君》和《只是太愛你》獲得「年度TOP聽推介本地歌曲」第2位及「年度TOP聽推介華語歌曲」第1位，軒仔更獲選為「年度TOP聽推介男歌手」，「年度TOP聽推介女歌手」則由鄭欣宜奪得。

Ian的《DWBF》奪歌曲獎第6位。

欣宜奪得「年度TOP聽推介女歌手」獎。

軒仔則成為「年度TOP聽推介男歌手」。

JOOX TOP聽推介全年榜MIRROR成大贏家 得獎歌曲佔一半

部份獎項如下：

【JOOX 年度樂迷最愛歌曲獎】

Anson Lo 盧瀚霆–Megahit

【JOOX 年度 TOP 聽推介本地歌曲】

1. Edan 呂爵安 – E 先生連環不幸事件

2. 張敬軒 – 俏郎君

3. 姜濤 – Dear My Friend,

4. Anson Lo 盧瀚霆 – 不可愛教主

5. Edan 呂爵安 – 小諧星

6. Ian 陳卓賢 – DWBF

7. 林家謙 – 神奇的糊塗魔藥

8. MC 張天賦 – 反對無效

9. Mike 曾比特 – 我不如

10. 鄭欣宜 – 先哭為敬

【JOOX 年度 TOP 聽推介男歌手】

張敬軒

【JOOX 年度 TOP 聽推介女歌手】

鄭欣宜

【JOOX 年度 TOP 聽推介組合】

MIRROR

【JOOX 年度新人】

Edan 呂爵安

【JOOX 編輯推介歌手】

Jer 柳應廷

Anson Kong 江𤒹生

Jace 陳凱詠

【JOOX 編輯推介唱作人】

林家謙

林奕匡

馮允謙

ViuTV原創劇《預防100種牙漬嘅 Darlie 呈獻 COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

MIRROR成員邱士縉（Stanley）為角色練習咬字。

在《COURT!》中，MIRROR成員邱士縉（Stanley）、陳子豐、朱鑑然分別飾演不同的律政人員，以各自擁有的身份分享對故事的看法。Stanley飾演的Peter是一名法官，Stanley表示：「佢對真相係非常之追求，好正義，另一方面都執著嘅，執著要搵到事實嘅真相，佢認為法庭呢個地方就係可以搵到事實嘅真相，還原返事情嘅經過，畀返受害人或被告嘅一個清白。」他看畢劇本後有另一番感受，「覺得法庭其實唔係一個追求真相嘅地方，佢只係一個盡量用持平嘅司法方式去維持返呢個社會嘅秩序，我都好Appreciate呢個世界如果有多啲Peter呢種類型嘅法官嘅話，可能成件事會再完整啲。」

Stanley表示榮幸與銀河合作：「佢哋個大名都聽過好多次，好榮幸可以同佢哋合作，亦都見到佢哋劇本嘅優秀，見到佢哋對戲劇嘅追求，我覺得係學到好多嘢。今次嘅角色係一個法官，比我平時講嘢更加字正腔圓，更加清晰，更加要冇懶音，呢方面我都有再練習多啲咬字再清晰啲。對白要好熟，都係好大嘅挑戰。」他自爆拍攝趣事，「我哋身處喺法庭景，法庭因為場地關係，就會拍咗啲律師先，拍好長嘅律師對話，轉機位要時間，之後先會轉嚟我呢邊法官個位，好多時佢拍呢邊嗰陣我就喺度瞓覺。」

朱鑑然對劇本嚴陣以待。

陳子豐今次飾演一名法官，為Stanley嘅上司及師兄，「同Stanley一齊成長，我哋嘅師父比較錫Stanley，但我係有丁點兒嘅妒忌。」他有感與Stanley合作很好玩、很順暢，「都期待咗好耐，我哋第一次合作係好多年前嘅《大叔的愛》，但好少對手戲，等到咁多年之後嘅今日，雖然我戲份唔係好多，但我主要嘅對手就係Stanley。有幾場戲嘅情緒都有啲起落，同佢之間都有啲緊張、衝突，呢幾日都好緊張，好似好熟悉Stanley呢個人，會擔心做出嚟舒唔舒服。到今日就覺得有火花，係幾好睇，希望大家鍾意。」

雖然角色是一名法官，不過他今次沒有法庭戲，「慶幸喺呢部戲入面冇法庭戲，因為對白會好長，知道之後即刻鬆一口氣。」他對劇本感到驚訝，並透露：「劇本寫咗一宗非禮案，心諗寫到咁拍唔拍到出嚟㗎？」

陳子豐演法官做Stanley上司。

劇中一位精明能幹的年輕律師Mark由朱鑑然飾演，他說：「頭腦轉數快，好鍾意打扮，好注重自己衣著，同劇組Create咗一個好身光頸靚嘅角色。」拍攝煞科戲當天的他有感：「開心嘅時光過得特別快，我係盡咗力去準備Mark呢個角色。我台詞嘅功力或表達一向係比較差，對劇本係真係嚴陣以待， 係咁唸係咁唸，我覺得呢個係上天畀我好大嘅一個挑戰，就知道我係時候再做好啲，亦令我好雀躍，好愛呢個挑戰。我就專攻呢樣嘢，唸到我覺得個台詞令我慣常講嗰句說話，然後發現當Action時就會不經意、好順咁講咗句台詞。」

他大讚今次的劇本：「台詞、劇本係游乃海先生寫，個順暢度、精準度係令我讀一次已經清楚記得，知道晒所有角色嘅功能，同埋同邊個嘅關係，所以我覺得呢個劇本真係寫得非常之犀利。」

Stanley趁轉機位補眠。