茘枝窩郊遊新去處

Sebastian早前同中電高層食飯，佢地講起去了茘枝窩探訪，我又發現呢個係郊遊新去處喎。香港人假期都搵啲本地遊好去處，可以行吓山睇睇風景食吓嘢，問題係去得多很多地方去過哂，有啲悶。

茘枝窩地圖

中電企業發展總裁莊偉茵（Quince）講起，上周六最凍的日子前夕，佢地去了茘枝窩。荔枝窩位於新界東北，面向印洲塘海岸公園和吉澳海，是一條歷史悠久的客家圍村，當地有著名的空心樹及百花魚藤，又可以睇睇鄉村的歷史和建築。

過去到茘枝窩主要行山，由大埔去烏蛟騰，在那裏出發入郊遊徑，行大約2個幾鐘就到近海的茘枝窩，再行多3個鐘可去鹿頸。去茘枝窩當中有段路幾難行，平時好少郁的朋友行路去會辛苦少少。

但今年1月1日開始在馬料水碼頭有街渡去，只在紅日開，早上十點半和十一點半開船，50元一位， 對唔想行咁遠的朋友係好消息。坐船到只行一段小路就到，鐘意睇完野可以行少少山就回頭，行幾遠自己可以控制。

茶果有咸有甜

茶果製作體驗班

Quince話除了到處參觀，想食嘢仲有茶果賣，有咸有甜，還有茶果製作班可以參加。當地仲有盤菜，1050元一圍，好正， 可能佢地睇咗好多嘢，到一點幾先至食飯，又凍又餓，特別開胃。佢提醒想食盤菜要事先訂，唔係即叫即有。

莊偉茵(中間白衣者)和一班友好一起食盤菜

盤菜好足料

Sebastian問Quince點解無端端大冷天時去茘枝窩，佢話中電客戶諮詢委員會成員有個新成員吳祖南，他們有個香港鄉郊基金會，在茘枝窩有復耕計劃，而家用緊小型太陽能發電設施，用來向圍網供電，趕走侵食農作物的野豬， 他們去睇睇可否搞些太陽能設施幫幫手咁話。

復耕農地上的太陽能裝置

主要用作供電圍網防野豬

Sebastian

** 博客文章文責自負,不代表本公司立場 **

會議展覽中心管理公司董事總經理梅李玉霞請食飯，自然要食會展特色菜，Sebastian一睇菜單，嘩，竟然唔知係乜？真係要俾大家一齊估吓。

第一味：出水芙蓉爭吐艷 (咁香艷估唔到係乜動物)

第二味：鴛鴦成雙春將至 (唔通係雞加鴨加鵪鶉蛋？)

第三味：淙紗沉魚嬌影照 (有魚啦啩，但淙紗係乜？)

第四味：紅衣仙子換新妝 (唔係青衣係紅衣仲要換衫？紅衫魚？)

第五味：落雁閉月不羞花 (落雁唔通係雞? 食到呢個位似炸子雞)

第六味：冬日朝陽暖意濃 (完全無概念，熱辣辣湯麵？)

第七味：色彩繽紛賀豐年 (呢個美點雙輝位，估係年糕啦)

未開飯前成圍枱熱議菜名，見到又「出水芙蓉」，又「紅衣仙子」，又「沉魚」又「落雁」，大家好有興趣去估，結果發覺無一樣估中，最近榜係第三味估中係魚(其實係石斑)。你又估唔到呢? 俾個中英文菜單你睇睇就有提示啦。

「出水芙蓉爭吐艷」係龍蝦，仲有好味炸米和欖仁。

「淙紗沉魚嬌影照」係石班，呢一味餸特色係那塊帆一樣的東西是炸小銀魚，好好味。

20160127_PO_會展食品 (4)_meitu_3

「落雁閉月不羞花」。四大美人沉魚、落雁、閉月、羞花，呢個餸名包括三大美人，代表「落雁」王昭君的原來是一隻小乳鴿，這是工夫菜，當中釀了八寶飯。

20160127_PO_會展食品 (3)_meitu_4

「色彩繽紛賀豐年」原來不是年糕，但也包括了幾種精緻甜品。

20160127_PO_會展食品 (2)_meitu_5

會議展覽中心管理公司董事總經理梅李玉霞(中)請客，話自己唔想整啲過年菜「發財好市」咁老土，就逼會展飲食總監文志成(左)出橋設計「四大美人」的菜色和古典名字，由靚仔中菜部行政主廚譚國聲(左)出手。

20160127_PO_會展食品 (1)_meitu_6

主人家梅李玉霞Monica十分好客，佢講到會展今年的大計，話要做好生意，有百幾個展覽已落實，鎖定主要生意，外界認為今年本地經濟有啲挑戰，佢地都怕對參觀人流影響，所以要加倍出力做好啲。要繼續搞多啲新形展覽，開新客源，例如搞3D打印展、極限運動展等等。